Viral Video: దయ్యంతో మాట్లాడి.. వీల్ చైర్‌లో కూర్చోబెట్టుకుని మరీ తీసుకెళ్ళాడు..

దయ్యం పేరు చెబితే ఉలిక్కిపడేవారు చాలా మంది ఉంటారు. అలాంటి వారికి చెమటలు పట్టిస్తోంది ఒక న్యూస్. కొన్ని సార్లు సిసిటివి కెమెరాలలో వింత వింత సంఘటనలు రికార్డ్ అవుతుంటాయి అలాంటిదే ఇది కూడా.

అర్జెంటీనాలోని బ్యూనస్ ఎయిర్స్ లోని ఫినోచిట్టో శానిటోరియం నుండి ఒక వీడియో రిలీజ్ అయ్యింది. అది హాస్పిటల్ తాలూకూ సిసిటివి ఫుటేజ్. హాస్పిటల్ లో పనిచేసే గార్డ్ ఓ వ్యక్తితో మాట్లాడుతున్నట్టు ఆ హాస్పిటల్ లో ఉన్న సిసిటివి కెమెరాలో రికార్డ్ అయ్యింది. అయితే అతను మాట్లాడుతున్నది ఎవరితో అనేది ఎంతకూ అంతుబట్టలేదు. అతని ముందు ఎవరూ లేకపోవడమే ఈ గందరగోళానికి కారణం. కానీ అతను మాత్రం తన ముందు ఎవరో ఉన్నట్టే మాట్లాడి, తగిన సూచనలు చేసి చివరికి వీల్ చెయిర్ చూపించి అందులో కూర్చోబెట్టుకుని డాక్ఠర్ దగ్గరకు తీసుకెళ్ళాడు.

ఇదంతా చూసిన నెటిజన్లకు వెన్నులో వణుకు పుట్టింది. ఏమీ కనిపించడం లేదు కానీ అతను మాత్రం తన ముందు ఎవరో ఉన్నట్టే మాట్లాడాడు. పైగా ఎవరూ లేకుండానే తలుపులు ఎలా తెరుచుకున్నాయి అని అంటున్నారు. అయితే అక్కడ తెలిపిన వివరాల ప్రకారం ఆ గార్డు మాట్లాడింది అంతకు ముందురోజు చనిపోయిన ఓ వృద్ద మహిళతో అంట. ఆమె తెల్లవారుజామున 3.36 సమయంలో అక్కడికి వచ్చి డాక్టర్ ను కలవాలని చెప్పిందట. ఆమె పెద్దవయసు వారనే కారణంతో ఆ గార్డు ఆమెను వీల్ చైర్ లో కూర్చోబెట్టుకుని డాక్టర్ దగ్గరకు తీసుకెళ్ళాడని తెలిసింది. ఈ విషయం మొత్తం చూసి గతుక్కుమంటున్నారు నెటిజన్లు. చనిపోయిన వారి ఆత్మలు అక్కడక్కడే తిరుగుతుంటాయని అంటారు ఇదేనేమో దానికి ఉదాహరణ అని అంటున్నారు.