తొలి టీ20 వర్షార్పణం

భారత్‌-కివీ్‌స మ్యాచ్‌ రద్దు

వెల్లింగ్టన్‌: భారత్‌-న్యూజిలాండ్‌ జట్ల మధ్య జరగాల్సిన తొలి టీ20కి వరుణుడు ఆటంకం కలిగించాడు. శుక్రవారం ఉదయం నుంచి ఎడతెరపి లేకుండా కురిసిన వర్షానికి మైదానం పూర్తి చిత్తడిగా మారింది. దీంతో కనీసం టాస్‌ వేయడానికి కూడా వీలు కాలేదు. మధ్యలో కొద్దిసేపు తెరిపినిచ్చినా ఆ వెంటనే జోరందుకుంది. ఐదు ఓవర్ల ఆటైనా ఆడించేందుకు అక్కడి కాలమాన ప్రకారం రాత్రి 9.46 గంటల వరకు వేచిచూడాలని మొదట అంపైర్లు నిర్ణయించారు. కానీ పరిస్థితులు అనుకూలించకపోవడంతో గంట ముందుగానే మ్యాచ్‌ను రద్దు చేస్తున్నట్టు ప్రకటించారు. మూడు టీ20 సిరీ్‌సలో భాగంగా రెండో మ్యాచ్‌ ఆదివారం మౌంట్‌ మాంగనుయ్‌లో జరుగుతుంది. నిరంతర వర్షంతో ఇరు జట్ల ఆటగాళ్లు కనీసం నెట్‌ ప్రాక్టీస్‌ చేయడానికి కూడా వీలు కాలేదు. దీంతో స్టేడియం లోపలే సరదాగా ‘ఫుట్‌వాలీ’ గేమ్‌ ఆడారు.