Satvik: సాత్విక్‌ జోడీ అదరహో!,
ABN , First Publish Date - 2022-10-31T04:12:34+05:30 IST
ఈ ఏడాది అద్భుత ఫామ్‌లో ఉన్న భారత స్టార్‌ డబుల్స్‌ జోడీ సాత్విక్‌ సాయిరాజ్‌/చిరాగ్‌ శెట్టి మరో టైటిల్‌ కొల్లగొట్టింది. ఫ్రెంచ్‌ ఓపెన్‌ పురుషుల డబుల్స్‌ టైటిల్‌ను భారత ద్వయం అందుకుంది.
ఫ్రెంచ్‌ ఓపెన్‌ టైటిల్‌ కైవసం
పారిస్‌: ఈ ఏడాది అద్భుత ఫామ్‌లో ఉన్న భారత స్టార్‌ డబుల్స్‌ జోడీ సాత్విక్‌ సాయిరాజ్‌/చిరాగ్‌ శెట్టి మరో టైటిల్‌ కొల్లగొట్టింది. ఫ్రెంచ్‌ ఓపెన్‌ పురుషుల డబుల్స్‌ టైటిల్‌ను భారత ద్వయం అందుకుంది. ఆదివారం రాత్రి జరిగిన ఫైనల్లో సాత్విక్‌/చిరాగ్‌ 21-13, 21-19తో తైవాన్‌ జంట లూ చింగ్‌ యావో/యాంగ్‌ పొ హాన్‌ను చిత్తు చేసింది. కామన్వెల్త్‌ క్రీడల్లో డబుల్స్‌ స్వర్ణం నెగ్గిన సాయిరాజ్‌/శెట్టి.. ప్రపంచ చాంపియన్‌షిప్స్‌లో కాంస్య పతకం నెగ్గిన సంగతి తెలిసిందే. అంతకుముందు భారత పురుషుల జట్టు థామస్‌ కప్‌ గెలవడంలోనూ సాత్విక్‌/చిరాజ్‌ జంట కీలక భూమిక పోషించింది.
