India-New Zealand 2nd ODI: 29 ఓవర్లకు కుదించిన మ్యాచ్ తిరిగి ప్రారంభం..

హామిల్టన్: టీమిండియా-న్యూజిలాండ్(Team India-New Zealand 2nd ODI) జట్ల మధ్య జరుగుతున్న రెండో మ్యాచ్‎కు వర్షం పదేపదే అంతరాయం కలిగించింది. దీంతో అంపైర్లు రెండో వన్డే మ్యాచ్ ను 29 ఓవర్లకు కుదించారు. తొలి ఇన్నింగ్స్ తర్వాత బ్రేక్ 10 నిమిషాలు ఉండనుంది. ఇక డ్రింక్స్ బ్రేక్ ఉండదు. ఎట్టకేలకు గెలవాల్సిన మ్యాచ్‎లో టాస్ ఓడి బ్యాటింగ్‎కు దిగిన టీమిండియాకు ఈసారైన బ్యాటింగ్ తీరు మారుతుందో లేదో చూడాలి. ఇప్పటికే ఈ సిరీస్ లో కివీస్ 1-0తో లీడ్ లో ఉంది.

ఇక మ్యాచ్ తిరిగి ప్రారంభమైన కొద్దిసేపటికే భారత్‌కు షాక్ తగిలింది. దూకుడుగా ఆడేందుకు ప్రయత్నించిన ధావన్ (3) మ్యాట్ హెన్రీ బౌలింగ్‌లో భారీ షాట్ కు యత్నించి వెనుతిరిగాడు. దీంతో టీమిండియా తొలి వికెట్‎ను 23 పరుగుల వద్ద కోల్పోయింది. 10 ఓవర్లు ముగిసేసరికి భారత్ స్కోర్ వికెట్ నష్టానికి 60 రన్స్ చేసింది. క్రీజులో గిల్ 40, సూర్యకుమార్ యాదవ్ 11 రన్స్‎తో కొనసాగుతున్నారు.