T20 World Cup: పీకల్లోతు కష్టాల్లో జింబాబ్వే

మెల్‌బోర్న్: భారత్‌ (team india)తో జరుగుతున్న పోరులో జింబాబ్వే(zimbabwe) జట్టు పీకల్లోతు కష్టాల్లో కూరుకుపోయింది. ఇన్నింగ్స్ తొలి బంతికే వికెట్ కోల్పోయిన జింబాబ్వే రెండు పరుగుల వద్ద రెండో వికెట్ కోల్పోయింది. ఈ దశలో క్రీజులోకి వచ్చిన సీన్ విలియమ్స్‌తో కలిసి కెప్టెన్ క్రెయిగ్ ఇర్విన్ జట్టును ఆదుకునే ప్రయత్నం చేశాడు. ఇద్దరూ కలిసి జాగ్రత్తగా ఆడుతూ వికెట్లను కాపాడుకోవడంపైనే దృష్టి సారించారు. అయితే, వీరిద్దరూ క్రీజులో కుదురుకుంటున్న సమయంలో సీన్ విలియమ్స్ (11)ను షమీ పెవిలియన్ పంపాడు. దీంతో 26 పరుగుల వీరి భాగస్వామ్యానికి తెరపడింది.

ఆ తర్వాత మరో మూడు పరుగులు జోడించాక కెప్టెన్ ఇర్విన్ (13), ఆ తర్వాత ఐదు పరుగులకే టోనీ మున్యోంగా(5) అవుట్ కావడంతో జింబాబ్వే పీకల్లోతు కష్టాల్లో కూరుకుపోయింది. భారత బౌలర్లు ఇలానే విజృంభిస్తే భారత జట్టు భారీ విజయం ఖాయం. ప్రస్తుతం 8 ఓవర్లు ముగిశాయి. జింబాబ్వే 5 వికెట్లు కోల్పోయి 39 పరుగులు చేసింది.