Samsung: శాంసంగ్ నుంచి మరో ఫోన్.. అద్భుతమైన ఫీచర్స్..

ఇంటర్నెట్ డెస్క్: శాంసంగ్(Samsung) మరో బడ్జెట్ స్మార్ట్‌ఫోన్‌ను(Budget Phone) విడుదల చేసేందుకు సిద్ధమైంది. అందుబాటు ధరలో అద్భుతమైన ఫీచర్స్‌తో ఈ ఫోన్‌ను తీసుకొచ్చామని చెబుతున్న శాంసంగ్.. సుదీర్ఘకాలం ఆండ్రాయిడ్ సపోర్టు కూడా ఉంటుందని ప్రకటించింది. త్వరలో రిలీజ్ కానున్న ఈ గ్యాలక్సీ ఎమ్04(Galaxy M04) ఫీచర్స్‌లో ప్రధానమైనవి.. 8జీబీ ర్యామ్, 128జీబీ స్టోరేజ్ కెపాసిటీ. 6.5 ఇంచ్ డిస్‌ప్లే కలిగిన గ్యాలక్సీ ఎమ్04లో 13 మెగాపిక్సెల్ ప్రధాన కెమెరా ఉంది. ఆండ్రాయిడ్ 12 ఓఎస్‌ ఉన్న ఈ ఫోన్‌లో బ్యాటరీ కెపాసిటీ 5000 ఎమ్ఏహెచ్.

రెండేళ్ల పాటు అండ్రాయిడ్ సపోర్ట్ ఉండటంతో వినియోగదారులు ఆండ్రాయిడ్ 12 నుంచి ఆండ్రాయిడ్ 14కు సులువుగా అప్‌డేట్ కావచ్చు. ఫోన్‌లో ఎక్కువ స్టోరేజీ ఉండాలని కోరుకునే వారు.. స్టోరేజీని 1టీబీ వరకూ పెంచుకోవచ్చు. ఈ ఫోన్‌లోని 2ఎంపీ సెన్సార్‌తో కూడిన 13 ఎంపీ ప్రధాన కెమెరాకు తోడుగా 5 ఎంపీ సెల్ఫీ కెమెరా ఉంది. ఇన్ని ఫీచర్లున్న ఈ ఫోన్ ధర కేవలం రూ. 8499. డిసెంబర్ 16న మధ్యాహ్నం 12 గంటలకు మార్కెట్లోకి లాంచ్ చేస్తామని శాంసంగ్ ప్రకటించింది.