కాంగ్రెస్‌ నేతలపై వ్యతిరేక ప్రచారం చేస్తే చర్యలు
ABN , First Publish Date - 2022-12-21T04:08:40+05:30 IST
సోషల్‌ మీడియాను వేదిక చేసుకుని కాంగ్రెస్‌ నేతలకు వ్యతిరేకంగా ప్రచారం చేస్తే చర్యలు తప్పవని టీపీసీసీ సీనియర్‌ ఉపాధ్యక్షుడు మల్లు రవి హెచ్చరించారు.
ఇది రేవంత్‌ మాట- మల్లు రవి
హైదరాబాద్‌, డిసెంబరు 20(ఆంధ్రజ్యోతి): సోషల్‌ మీడియాను వేదిక చేసుకుని కాంగ్రెస్‌ నేతలకు వ్యతిరేకంగా ప్రచారం చేస్తే చర్యలు తప్పవని టీపీసీసీ సీనియర్‌ ఉపాధ్యక్షుడు మల్లు రవి హెచ్చరించారు. ఆదివారంనాడు జరిగిన టీపీసీసీ విస్తృత స్థాయి సమావేశంలో ఈ విషయాన్ని టీపీసీసీ అధ్యక్షుడు రేవంత్‌రెడ్డి స్పష్టంగా ప్రకటించారని తెలిపారు. రేవంత్‌ ఆదేశాలను పార్టీ నేతలు, శ్రేణులు తు.చ తప్పకుండా పాటించాలన్నారు. సామాజిక మాద్యమాలలో పార్టీకి, నాయకులకు వ్యతిరేకంగా ఎవ్వరు పోస్టులు పెట్టినా చట్టపరంగాను, పార్టీ పరంగానూ చర్యలు తీసుకుంటామని వెల్లడించారు.
