TS News: బొంతు రామ్మోహన్ భార్య ఆరోపణలపై స్పందించిన ఉప్పల్ ఎమ్మెల్యే
ABN , First Publish Date - 2022-11-30T12:48:24+05:30 IST
చర్లపల్లి కార్పొరేటర్, మాజీ మేయర్ బొంతు రామ్మోహన్ సతీమణి శ్రీదేవి చేసిన ఆరోపణలపై ఉప్పల్ ఎమ్మెల్యే భేతి సుభాష్ రెడ్డి స్పందించారు.
హైదరాబాద్: చర్లపల్లి కార్పొరేటర్, మాజీ మేయర్ బొంతు రామ్మోహన్ సతీమణి
శ్రీదేవి చేసిన ఆరోపణలపై ఉప్పల్ ఎమ్మెల్యే భేతి సుభాష్ రెడ్డి స్పందించారు. ఈ సందర్భంగా ఎమ్మెల్యే ఏబీఎన్ ఆంధ్రజ్యోతితో మాట్లాడుతూ కార్పొరేటర్ శ్రీదేవిని చంపించే అవసరం తనకు లేదన్నారు. పార్టీ ప్రతిష్టను దిగజార్చేలా ఆమె వ్యహరిస్తున్నారని, ఉప్పల్ నియోజకవర్గంలో ఏడుగురు మహిళా కార్పొరేటర్లు ఉన్నారని, ఎవరినీ ఏమీ అనకుండా శ్రీదేవినే అనాల్సిన అవసరం తనకేంటన్నారు. తనపై శ్రీదేవి చేసిన ఆరోపణలు అవాస్తవమని, ఆమె తనపై చేసిన ఆరోపణల్లో ఏ ఒక్కటికైనా ఆధారాలు చూపించాలన్నారు. కార్పొరేటర్ మహిళలను అక్క చెల్లెళ్లుగా చూసుకుంటానని, ఆమె ఇలాంటి వ్యాఖ్యలు చేయడం తనకు బాధకలిగించిందని భేతి సుభాష్ రెడ్డి అన్నారు.
