Harish Rao: ఈడీలు బోడీలు మమ్మల్ని ఏం చేయలేవు

జగిత్యాల: కేంద్ర ప్రభుత్వంపై తెలంగాణ మంత్రి హరీష్‌రావు (Harish Rao) విమర్శలు గుప్పించారు. కేంద్రానికి తెలంగాణ ఇచ్చింది ఎక్కువే అని, లెక్కలతో సహా బయటపెట్టామని మంత్రి హరీష్‌రావు గుర్తు చేశారు. కేంద్రం తెలంగాణకు ఇచ్చింది తక్కువ.. చెప్పుకునేదేమో ఎక్కువ అని మంత్రి మండిపడ్డారు. బీజేపీ నేతలు జూటా మాటలు మాట్లాడొద్దని, మీ అబద్ధాలు నమ్మే స్థితిలో జనం లేరని మంత్రి హరీష్‌రావు అన్నారు. బీజేపీ (BJP) బ్లాక్‌ మెయిలింగ్‌ రాజకీయాలకు పాల్పడుతోందని, ఉద్యమాల గడ్డలో బాణాలు పనిచేయవని మంత్రి హరీష్‌రావు తెలిపారు. ఈడీలు బోడీలు మమ్మల్ని ఏం చేయలేవని, ఇది ఉద్యమాల గడ్డ.. ఎన్ని కేసులైనా ఎదుర్కొంటామని హరీష్‌రావు స్పష్టం చేశారు.