ధాన్యంలో రేషన్‌ బియ్యం
ABN , First Publish Date - 2022-12-21T23:13:54+05:30 IST
ఐకేపీ కొనుగోలు కేంద్రం ద్వారా ధాన్యంలో రేషన్‌ బియ్యం కలిపి అమ్మేందుకు రేషన్‌ డీలర్‌ కుటుంబానికి చెందిన రైతు ప్రయత్నించాడు.
తల్లాడ, డిసెంబరు 21: ఐకేపీ కొనుగోలు కేంద్రం ద్వారా ధాన్యంలో రేషన్‌ బియ్యం కలిపి అమ్మేందుకు రేషన్‌ డీలర్‌ కుటుంబానికి చెందిన రైతు ప్రయత్నించాడు. తూకం వేసి రైస్‌ మిల్లుకు ధాన్యాన్ని దిగుమతి చేేసందుకు తరలించగా సంబంధిత మిల్లర్లు పరిశీలించగా ధాన్యంలో రేషన్‌ బియ్యం కలిపిన విషయం బుధవారం బయట పడింది. వివరాలు ఇలా ఉన్నాయి... తల్లాడ మండలం తెలగవరం గ్రామానికి చెందిన రేషన్‌ డీలర్‌ భర్త తూము నరసింహరావు 547 బస్తాలు ధాన్యాన్ని తూకం వేసి ట్రాక్టర్‌ ద్వారా ఓ రైస్‌ మిల్లులో దిగుమతి చేేసందుకు తీసుకువచ్చాడు. దిగుమతి చేసుకొనే ముందు బస్తాల్లోని ధాన్యాన్ని మిల్లర్‌ పరిశీలించగా బియ్యం కలిపి ఉండటాన్ని గుర్తించారు. రేషన్‌ బియ్యం కంటే ధాన్యం ధర అధికంగా ఉండ టంతో రైతు ధాన్యంలో రేషన్‌ బియ్యం కలిపి ఉంటాడని అనుమా నిస్తున్నారు. ధాన్యంలో రేషన్‌ బియ్యం కలిపిన విషయాన్ని మిల్లర్‌ ఐకేపీ ధాన్యం కొనుగోలు కేంద్రం నిర్వాహకుల దృష్టికి తీసుకెళ్లి ధా న్యాన్ని దిగుమతి చేసుకోకుండా వెనక్కి పంపుతున్నట్టు సమాచారం ఇచ్చారు. ధాన్యం తేమ శాతం పరిశీలన సమయంలోనే కళ్ళుగప్పి రైతు మోసానికి పాల్పడి ఉంటాడనే అభిప్రాయం వ్యక్తమవుతోంది.
