TS News: నాలుగురోజుల క్రితం అదృశ్యమైన వ్యక్తి... చివరకు
ABN , First Publish Date - 2022-11-25T15:23:15+05:30 IST
శంషాబాద్ మండల పరిధిలోని హమీదుల్లనగర్ గ్రామంలో విషాదం చోటు చేసుకుంది.
రంగారెడ్డి: శంషాబాద్ మండల పరిధిలోని హమీదుల్లనగర్ గ్రామంలో విషాదం చోటు చేసుకుంది. దర్శన్ గౌడ్ (54) అనే వ్యక్తి నాలుగు రోజులు క్రితం అదృశ్యమయ్యాడు. 22న ఇంట్లో నుంచి వెళ్లిన దర్శన్ గౌడ్ ఆపై కనిపించకుండా పోయాడు. దీంతో కుటుంబసభ్యులు రెండు రోజుల క్రితం పోలీసులకు ఫిర్యాదు చేయగా.. మిస్సింగ్ కేసు నమోదు చేశారు. కాగా... హమిధుల్ల నగర్ ఔటర్ సర్వీస్ రోడ్డు కల్వర్టులో దర్శన్ గౌడ్ మృతదేహం లభ్యమైంది. మృతిపై కుటుంబసభ్యులు పలు అనుమానాలు వ్యక్తం చేస్తున్నారు. స్థానికుల సమాచారం మేరకు సంఘటనా స్థలానికి చేరుకున్న శంషాబాద్ రూరల్ పోలీసులు అనుమానాస్పద మృతి క్రింద కేసు నమోదు చేశారు. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించి దర్యాప్తు చేపట్టారు.
