Vijayashanti: ఈ ప్రయోగాలు కేసీఆర్ ఎందుకు చేస్తున్నరో...

హైదరాబాద్: తెలంగాణ ముఖ్యమంత్రి కేసీఆర్‌ (KCR)పై బీజేపీ నాయకురాలు విజయశాంతి (Vijayashanti)విమర్శలు గుప్పించారు. కొట్లాడి తెచ్చుకున్న తెలంగాణను అప్పులు, అవినీతి రాష్ట్రంగా నాశనం చేశారని ఆమె ఆగ్రహం వ్యక్తం చేశారు. రాములమ్మ సోషల్ మీడియాలో పెట్టిన పోస్ట్ యథాతథంగా...

''బీఆర్ఎస్ ప్రయోగాన్ని కెసిఆర్ గారు చేపట్టడం ద్వారా భవిష్యత్తులో ప్రాంతేతర పార్టీలను... పొత్తు లేదా అవగాహన రూపంలో తెలంగాణలో పనిచేయించటానికి అవకాశం ఏర్పరుస్తున్నట్లు పరిణామాలు కనబడుతున్నయి. ఇది నేను చెప్తున్న మాట కాదు, మీ బీఆర్ఎస్ ప్రకటన నాటి నుంచి అనేకమంది తెలంగాణ ఉద్యమకారులు నాతో వ్యక్తపరుస్తున్న జనబాహుళ్య అభిప్రాయం. వీటి మంచి చెడులను కాలమే నిర్ణయిస్తది... అయితే, ఈ ప్రయోగాలు కేసీఆర్ గారు ఎందుకు చేస్తున్నరో... కొట్లాడి తెచ్చుకున్న తెలంగాణను అప్పులు, అవినీతి రాష్ట్రంగా నాశనం చేసింది చాలక... ఇంకేం చేయదలుచుకున్నారో వారికే తెలియాలి. తెలంగాణ సమాజంలో మీ తప్పులు నిశితంగా గమనించబడుతున్నయన్నది మాత్రం స్పష్టం... బీఆర్ఎస్ నేత కేసిఆర్ గారు... అన్ని ప్రాంతాల ప్రజల్ని అభిమానంతో ఆదరించే మన తెలంగాణ సమాజం... రాజ్యాధికార ఆపేక్షతో చేస్తున్న మీ వ్యవహారాన్ని మాత్రం గత దశాబ్దాల జ్ఞాపకాలను తప్పక గుర్తెరిగి ఆలోచిస్తున్నది. అని విజయశాంతి అన్నారు.