Anakapalli: భర్త హత్య కేసు.. భార్య, ప్రియుడి అరెస్ట్

అనకాపల్లి: అనాకపల్లి(Anakapalli)లో సంచలనం సృష్టించిన ఓ హత్య కేసును పోలీసులు ఛేదించారు. అతని భార్యే ప్రియుడితో కలిసి హత్య చేయించినట్లుగా పోలీసుల విచారణలో వెల్లడైంది. ఘటన తాలూకు పోలీసులు తెలిపిన వివరాల ప్రకారం.. యలమంచిలి మండలం పులవర్తికి చెందిన కొండలరావు, ఉమ భార్యాభర్తలు. ఉమ.. చిరంజీవి అనే వ్యక్తితో వివాహేతర సంబంధంలో ఉంది. ఈ విషయం భర్తకు తెలిసి ఆమెను ప్రశ్నించాడు.

భర్త అడ్డు తొలగించుకోవాలనుకున్న ఉమ.. ప్రియుడితో కలిసి పతకం పన్నింది. ఉమ, చిరంజీవి ఈ నెల 7న కొండలరావుని కారులో తీసుకెళ్లారు. 8వ తేదీన కారులోనే గొంతునులిమి హత్య చేశారు. అనంతరం మృతదేహాన్ని రావులపాలెం వద్ద గోదావరి నదిలో పడేశారు. అనుమానం రాకుండా ఉమ భర్త కనిపించడం లేదని పోలీసులకు ఫిర్యాదు చేసింది. ఉమ భర్తను ఏదో చేసిందని కొండలరావు కుటుంబ సభ్యులు ఆరోపించడంతో.. ఉమను ఆమె ప్రియుడ్ని విచారించారు. హత్య చేసింది తామేనని ఒప్పుకోవడంతో ఇరువురిపై కేసు నమోదు చేశారు.