Sucharitha : రాజకీయంగా ఆసక్తికర వ్యాఖ్యలు చేసిన మాజీ హోంమంత్రి

Guntur : ఏపీ మాజీ హోంమంత్రి సుచరిత(Former AP Home Minister Sucharita) రాజకీయంగా ఆసక్తికర వ్యాఖ్యలు చేశారు. రాజకీయంగా తమ మనుగడ వైసీపీతోనేనని(YCP) పేర్కొన్నారు. తాను ఒక స్టేట్‌మెంట్ ఇచ్చానంటే తన భర్త దయాసాగర్ కూడా దానికి కట్టుబడే ఉంటారని తెలిపారు. ‘అలా కాకుండా నా భర్త దయాసాగర్ (Dayasagar) పార్టీ మారతాను నువ్వు నాతో రా అంటే ఎంత రాజకీయ నాయకురాలినైనా భర్తతో పాటు వెళ్ళాల్సిందేగా’ అని పేర్కొన్నారు. తన భర్త ఒక పార్టీలో.. తాను మరొక పార్టీలో తమ పిల్లలు వేరొక పార్టీలో ఉండరని.. ఉంటే అంతా ఒక్క పార్టీలోనే ఉంటామన్నారు. రాజకీయాల్లో మనగలిగినన్నాళ్ళు ఏపీ సీఎం వైఎస్ జగన్‌తో ఉండాలనుకున్నామని సుచరిత వెల్లడించారు.