AP News: ‘హత్యకు రూ.40 కోట్లు ఇచ్చింది ఎవరు?’

అమరావతి: వైఎస్ వివేకానంద రెడ్డి (YS Vivekananda Reddy Murder) హత్యలో భాస్కర్‌రెడ్డి (Bhaskar Reddy)‌ని అరెస్టు చేశారు సరే.. రేపో మాపో ఎంపీ అవినాష్ రెడ్డి (MP Avinash Reddy)ని కూడా అరెస్టు చేస్తారని టీడీపీ (TDP) అధికార ప్రతినిధి సయ్యద్ రఫీ అన్నారు. అంతటి‌తో కేసు సమాప్తం కాదన్నారు. హత్య చేయటానికి 40 కోట్ల డబ్బు ఇచ్చింది ఎవరు? అని ఆయన ప్రశ్నించారు. అంత డబ్బు ఎవరు ఇవ్వగలరని అన్నారు. వై‌ఎస్ వివేకాపై ఎవరికీ అంత కక్ష ఉందొ అనే విషయాలను సీబీఐ ఆరా తీయాలని సూచించారు. ఆ హత్య కు వాళ్లే నిజమైన సూత్రదారులని ఆరోపించారు. వాళ్ళను అరెస్టు చేసిన నాడే ఈ కేసు పరిసమాప్తం అవుతుందన్నారు.