Apache Helicopter : 250వ అపాచీ హెలికాప్టర్‌ ఫ్యూజ్‌లేజ్‌ డెలివరీ: టీబీఏఎల్‌

హైదరాబాద్‌ (ఆంధ్రజ్యోతి బిజినెస్‌): హైదరాబాద్‌ యూనిట్‌లో తయారు చేసిన 250వ ఏహెచ్‌-64 అపాచీ అటాక్‌ హెలికాప్టర్‌ ఫ్యూజ్‌లేజ్‌ను టాటా బోయింగ్‌ ఏరోస్పేస్‌ లిమిటెడ్‌ (టీబీఏఎల్‌) డెలివరీ చేసింది. బోయింగ్‌, టాటా అడ్వాన్స్‌డ్‌ సిస్టమ్స్‌ సంయుక్త సంస్థయిన టీబీఏఎల్‌కు హైదరాబాద్‌లో 14,000 చదరపు మీటర్ల విస్తీర్ణం కలిగిన యూనిట్‌ ఉంది. ప్రపంచ వ్యాప్తంగా అపాచీ హెలికాప్టర్లకు అవసరమైన ఫ్యూజ్‌లేజ్‌లను ఇక్కడి నుంచే సరఫరా చేస్తున్నారు. యూఎస్‌ ఆర్మీకి కూడా ఇక్కడి నుంచే సరఫరా అవుతున్నాయని టీబీఏఎల్‌ వెల్లడించింది. ఇటీవలే భారత ఆర్మీ ఆరు అపాచీ హెలికాప్టర్లకు ఆర్డర్‌ ఇచ్చింది.