హైదరాబాద్‌లో ఫెడ్‌ఎక్స్‌ తొలి ఏసీసీ
ABN , First Publish Date - 2023-03-10T00:53:42+05:30 IST
లాజిస్టిక్స్‌ కంపెనీ ఫెడ్‌ఎక్స్‌ హైదరాబాద్‌లో తన తొలి అడ్వాన్స్‌డ్‌ క్యాపబుల్‌ కమ్యూనిటీని (ఏసీసీ)ని ఏర్పాటు చేయనుంది...
హైదరాబాద్‌ (ఆంధ్రజ్యోతి బిజినె్‌స): లాజిస్టిక్స్‌ కంపెనీ ఫెడ్‌ఎక్స్‌ హైదరాబాద్‌లో తన తొలి అడ్వాన్స్‌డ్‌ క్యాపబుల్‌ కమ్యూనిటీని (ఏసీసీ)ని ఏర్పాటు చేయనుంది. భవిష్యత్తులో ప్రపంచవ్యాప్తంగా ఇటువంటి ఏసీసీలను ఫెడ్‌ఎక్స్‌ ఏర్పాటు చేయాలని భావిస్తోంది. నిపుణుల నియామకాలు, వివిధ విభాగాల్లో నిపుణులను కలిగి ఉండాలనే లక్ష్యంతో అడ్వాన్స్‌డ్‌ క్యాపబుల్‌ కమ్యూనిటీలను కంపెనీ ప్రారంభిస్తోంది. అధిక నిపుణుల లభ్యత, కంపెనీ అవసరాలను దృష్టిలో ఉంచుకుని ఏసీసీలను ఏర్పాటు చేయడానికి తగిన ప్రాంతాలను ఎంపిక చేస్తుంది. హైదరాబాద్‌లో అన్ని రంగాలకు చెందిన నిపుణుల లభ్యత ఉన్నందున తొలి ఏసీసీని ఇక్కడ ప్రారంభించనుంది. 2023 ద్వితీయార్ధంలో హైదరాబాద్‌లో తొలి ఏసీసీని ఏర్పాటు చేసే వీలుందని ఫెడ్‌ఎక్స్‌ కార్ప్‌ ప్రెసిడెంట్‌ రాజ్‌ సుబ్రమణియం తెలిపారు.
