పెళ్లి తర్వాత కూడా కలిసే ఉందామన్న ప్రియుడు.. అడ్డు చెప్పిన మైనర్ బాలిక.. చివరకు ఆ యువకుడు ఎంత పని చేశాడంటే..

ఆ యువకుడు ఓ బాలికకు మాయ మాటలు చెప్పి ప్రేమలోకి దించాడు.. మైనారిటీ తీరని బాలికతో శారీరక వాంఛ తీర్చుకున్నాడు.. అనంతరం వేరే యువతితో పెళ్లికి సిద్ధమయ్యాడు.. నిశ్ఛితార్థం జరిగినట్టు తెలుసుకున్న బాలిక ప్రియుడిని నిలదీసింది.. వేరే యువతితో పెళ్లి జరిగినా నిన్ను కలుస్తూనే ఉంటానని చెప్పాడు.. తీవ్ర ఆగ్రహానికి గురైన బాలిక గొడవకు దిగింది.. చివరకు ఆ బాలికను యువకుడు అత్యంత కర్కశంగా చంపేశాడు. రాజస్థాన్‌లో (Rajasthan) ఈ ఘోరం జరిగింది (Crime News).

జైపూర్‌కు (Jaipur) సమీపంలోని ఓ గ్రామానికి చెందిన కమల్ ధోబి (20) అనే యువకుడు ఓ ప్రైవేట్ ఉద్యోగం చేస్తున్నాడు. ఏడాది క్రితం ఆ యువకుడికి ఓ 16 ఏళ్ల బాలిక పరిచయమైంది. ఆమెకు మాయ మాటలు చెప్పి ప్రేమలోకి దించాడు. పెళ్లి చేసుకుంటానని నమ్మించి ఆమెతో శారీరక సుఖం అనుభవించాడు. వీలైనప్పుడల్లా ఆమెను అత్యాచారం (Sexual Harassment) చేశాడు. చివరకు వేరే యువతితో పెళ్లికి సిద్ధమయ్యాడు. నిశ్ఛితార్థం కూడా చేసుకున్నాడు. ఆ విషయం బాలికకు తెలిసింది. నేరుగా ప్రియుడి గదికి వెళ్లి నిలదీసింది.

భర్తతో కలిసి పోలీస్ స్టేషన్‌కు వెళ్లి ముగ్గురు యువకులపై ఫిర్యాదు చేసిన మహిళ.. భర్త ఎదురుగానే ఆమె చెప్పింది విని పోలీసులు షాక్!

బాలికను మళ్లీ మోసం చేసేందుకు కమల్ ప్రయత్నించాడు. ఎవరిని పెళ్లి చేసుకున్నా నిన్ను వదిలేది లేదంటూ కబుర్లు చెప్పాడు. అప్పటికే కమల్‌పై ఆగ్రహంతో ఉన్న యువతి గొడవకు దిగింది. పోలీసులకు ఫిర్యాదు చేస్తానని హెచ్చరించింది. తీవ్ర ఆగ్రహానికి గురైన యువకుడు ఆ బాలికను చున్నీతో గొంతు నులిమి చంపేశాడు (Young man killed lover). మృతదేహాన్ని గోనె సంచిలో వేసి చెరువులో పారేశాడు. మత్స్యకారులు ఆ మూటను చూసి పోలీసులకు ఫిర్యాదు చేశారు. ఆ బాలికను గుర్తించిన పోలీసులు ఆమె ప్రేమ వ్యవహారం గురించి తెలుసుకుని కమల్‌ను అదపులోకి తీసుకుని ప్రశ్నించారు. పోలీసుల ఎదుట కమల్ నేరం అంగీకరించాడు.