తెలంగాణలో గెలిచేది కాంగ్రెసే: ఖర్గే

న్యూఢిల్లీ, అక్టోబరు 4: బీజేపీకి దక్షిణాదిలో తలుపులన్నీ మూసుకుపోయాయని కాంగ్రెస్‌ అధ్యక్షుడు ఖర్గే అన్నారు. ‘‘బీజేపీ కేరళలో అధికారంలో లేదు. తమిళనాడులో లేదు. కర్ణాటకలో లేదు. ఏపీలో లేదు. తెలంగాణలో కూడా అధికారంలోకి రాదు. రాబోయే ఎన్నికల్లో తెలంగాణలో గెలిచేది కాంగ్రెసే’’ అని ధీమా వ్యక్తం చేశారు. ఛత్తీ్‌సగఢ్‌లో ఓ కార్యక్రమంలో ఆయన ఈ వ్యాఖ్యలు చేశారు. కులాలవారీగా జనగణన కోసం తమ పార్టీ డిమాండ్‌ చేస్తోందని ఖర్గే పునరుద్ఘాటించారు. బీజేపీయేతర పార్టీలు అధికారంలో ఉన్నచోట సీఎంలను కేంద్రంలోని బీజేపీ ప్రభుత్వం దర్యాప్తు సంస్థలతో భయపెడుతోందని ఆరోపించారు.