పెద్దల్లో ఎలాంటి సమస్యనైనా ఇట్టే తెలుసుకునే వీలుంటుంది. అలాగే వ్యాధికి సంబంధించిన లక్షణాలు కూడా ఇట్టే బయటపడతాయి. మరి అదే పిల్లల విషయానికి వస్తే కొన్నిసార్లు పెద్దలు నిర్లష్యం, లేదా గమనింపు లేకపోవడంతో పిల్లల అనారోగ్య సమస్యలు నోటీస్ కి రావు. ముఖ్యంగా గుండె సంబంధమైన సమస్యలను చాలా జాగ్రత్తగా పరిశీలించాలి. పుట్టిన పిల్లలు ఆరోగ్యంగా ఉన్నారని డాక్టర్స్ చెప్పేవరకూ గుండెల్లో భారంగా ఉంటుంది. వాళ్ళు పూర్తి ఆరోగ్యంగా ఉన్నారనేది తెలుసుకోవడం చాలా ముఖ్యం. అయితే పిల్లల్లో ముఖ్యంగా అప్పుడే పుట్టిన పిల్లల్లో గుండెకు సంబంధించిన వ్యాధి గుండెల్లో రంధ్రం ఉందంటే దానికి సరైన వైద్యం అందించడం తప్పనిసరి. ఈ సమస్యను ఎంత త్వరగా గుర్తిస్తే అంత మంచిది. అయితే పిల్లల్లో గుండె సమస్యలకు సంకేతాలు ఎలా ఉంటాయనేది తెలుసుకుందాం.

కర్ణిక సెప్టల్ లోపం (ASD) - లక్షణాలు, కారణాలు: పిల్లల గుండెలో రంధ్రం ఉందని వింటూనే ఉంటారు. అసలు గుండెలో రంధ్రం ఉంటే దాన్ని ఎలా గుర్తించాలి? ముఖ్యంగా బిడ్డ జన్మించిన నవజాత శిశువు గుండెలో రంధ్రంతో సంబంధం ఉన్న సమస్యల గురించి తెలుసుకుందాం.

గుండెలో రంధ్రం., లక్షణాలు, రోగ నిర్ధారణకు కారణమవుతుంది.

ఈ వ్యాధి పుట్టుకతో వచ్చే వ్యాధులలో ఒకటి. గుండెలో నాలుగు రకాల గదులు ఉంటాయి. రిసీవింగ్ ఛాంబర్స్ అని పిలువబడే రెండు చిన్న గదులు, రెండు పెద్ద గదులు ఉంటాయి. రెండు ఎడమ వైపు, రెండు కుడి వైపు ఉంటాయి. వీటికి మధ్య గోడ ఉంటుంది. ఆ గోడ కండరాల మధ్య రంధ్రం ఉంటే, దానిని గుండెలో రంధ్రం అంటారు. రిసీవింగ్ ఛాంబర్‌లో రంధ్రం ఉంటే, దానిని ASD అంటారు. రెండవ రంధ్రం VSD, ఇది పెద్ద గది మధ్యలో ఉంటుంది.

ఇది కూడా చదవండి: భార్యాభర్తల మధ్య ఎప్పుడూ గొడవలేనా..? బెడ్రూంను వెంటనే ఇలా మార్చేయండి..!

గుండెలో రంధ్రం ఉంటే ఎలాంటి లక్షణాలు ఉంటాయి?

ఆ రంధ్రం ఎంత పెద్దది అనే దానిపై లక్షణాలు ఆధారపడి ఉంటాయి. రంధ్రం పెద్దదిగా ఉంటే, లక్షణాలు వెంటనే కనిపించడం ప్రారంభిస్తాయి. గుండె శబ్దాలు రెండు రకాలు. అంతే కాకుండా కార్డియాక్ మర్మర్ అనే శబ్దం వస్తుంది. వేరే విధంగా శబ్దం వస్తే, అది గుండెలో రంధ్రం ఉన్నట్లు సూచిస్తుంది.

పెద్దలకు వ్యాయామం ఉన్నట్లే. పాలు తాగడం కూడా పిల్లలకు వ్యాయామమే. కాబట్టి, రంధ్రం పెద్దదైతే, నెమ్మదిగా గుండె వైఫల్యం లక్షణాలు పిల్లలలో రావడం ప్రారంభమవుతాయి. చిన్న పిల్లలలో పెద్దవారిలాగా లక్షణాలు కనిపించవు. నడకలో అలసిపోయినట్లు, ఊపిరి ఆడకపోవడం మొదలవుతుంది. కానీ పిల్లల లక్షణాలు భిన్నంగా ఉంటాయి. పాలు వదిలేసి తాగడం మొదలు పెడతారు, దాన్ని 'సక్ రెస్ట్ సక్ సైకిల్' (suck rest suck cycle) అంటారు. పిల్లలు సాధారణంగా ఇరవై నుంచి ఇరవై ఐదు నిమిషాల్లో పాలు తాగుతారు.

కానీ గుండెలో రంధ్రం ఉంటే, పిల్లవాడు ఒకేసారి పాలు తాగలేడు. దీన్ని ఫీడింగ్ (feeding interruption) అంతరాయం అంటారు. అలాగే శ్వాస వేగంగా ప్రారంభమవుతుంది. గుండె కొట్టుకోవడం కూడా వేగంగా మారుతుంది. ఈ సమయంలో పిల్లల ఛాతీపై చేయి వేస్తే, గుండె చప్పుడు కూడా వేగంగా కొట్టుకుంటుంది. ఈ సమస్యతో పిల్లల్లో బరువు కూడా పెరగదు. చిన్న గదిలో రంధ్రం ఉంటే, దాని లక్షణాలు వెంటనే కనిపించవు.