Rashmika : రష్మిక ఫుల్‌ ఖుషి
ABN , First Publish Date - 2023-12-09T23:46:00+05:30 IST
బాలీవుడ్‌లో తన ప్రతాపం చూపించాలని రష్మిక ఎప్పటి నుంచో అనుకొంటోంది. ఇదివరకు ప్రయత్నాలు చేసింది కానీ, తగిన ఫలితం రాలేదు. అయుతే
బాలీవుడ్‌లో తన ప్రతాపం చూపించాలని రష్మిక ఎప్పటి నుంచో అనుకొంటోంది. ఇదివరకు ప్రయత్నాలు చేసింది కానీ, తగిన ఫలితం రాలేదు. అయుతే ‘యానిమల్‌’ మాత్రం రష్మిక జాతకాన్నే మార్చేసింది. సందీప్‌ రెడ్డి వంగా దర్శకత్వంలో రూపుదిద్దుకొన్న ఈ చిత్రం సంచలన విజయాన్ని నమోదు చేసుకొంది. బాలీవుడ్‌ అంతటా ఈ సినిమా గురించే చర్చ. ఇందులో రష్మిక పాత్రకు మంచి గుర్తింపు దక్కింది. కొన్ని బోల్డ్‌ సన్నివేశాల్లో ఎలాంటి బెరుకూ లేకుండా నటించడం బాలీవుడ్‌ జనాలకు బాగా నచ్చింది. ఈ సినిమాతో రష్మిక కెరీర్‌ మరో మలుపు తిరిగే అవకాశం ఉంది. ‘‘యానిమల్‌ ఈ స్థాయిలో జనాదరణ పొందుతుందని నేను అనుకోలేదు. నిజంగానే ఇది అపూర్వం. ఇందులో గీతాంజలి పాత్ర నాకెంతో నచ్చింది. పాత్రలో ఉన్న ధైర్యం, తెగువ ప్రేక్షకులకు నచ్చాయి. అందుకే ఈ చిత్రంతో పాటు నా పాత్రకూ గుర్తింపు దక్కింది. సెట్లో ప్రతీ రోజూ ఆస్వాదించాను. ప్రతి క్షణం ఓ కొత్త విషయం నేర్చుకొన్నాను. నా జీవితంలో ఈ సినిమా మర్చిపోలేనిది. ఈ ప్రయాణం ఎప్పటికీ గుర్తించుకొంటాను’’ అంటోంది రష్మిక. ఈ హిట్‌తో బాలీవుడ్‌లోనూ రష్మిక బిజీగా మారే సూచనలు బలంగా కనిపిస్తున్నాయి.
