NRI TDP USA: ట్రై వాలీలో ఘనంగా చంద్రబాబు పుట్టినరోజు వేడుకలు!

అమెరికాలోని కాలిఫోర్నియాలో ఉన్న శాన్ రామ‌న్‌లో నిర్వహించిన టీడీపీ అధినేత చంద్రబాబు జన్మదిన వేడుకలకు ట్రైవాలీలోని ప్రముఖులు విచ్చేశారు. టీడీపీ కుటుంబ స‌భ్యుల మాదిరిగా ప్రతి ఒక్కరూ ఈ కార్యక్రమానికి హాజ‌ర‌య్యారు. ఈ సంద‌ర్భంగా చంద్రబాబుకు శుభాకాంక్షలు తెలిపి మ‌రిన్ని పుట్టిన రోజులు జ‌రుపుకోవాల‌ని ఆకాంక్షించారు. అదే స‌మ‌యంలో టీడీపీ త‌ర‌ఫున ఏవిధంగా ప‌నిచేయాల‌నే విష‌యంపై ప్రధానంగా చ‌ర్చించి, వ‌చ్చే ఎన్నిక‌ల్లో ఏపీలో తెలుగు ఓట‌ర్లను టీడీపీకి సానుకూలంగా ఎలా మ‌ల‌చాల‌నే విష‌యంపైనా, పార్టీకి మ‌ద్దతుగా ఎలా నిల‌వాల‌నే విషయాలపై తీర్మానాలు చేశారు. ఈ కార్యక్రమాన్ని స్థానిక తెలుగుదేశం నేత యంవి రావు సమన్వయ పరచగా, కార్యక్రమాన్ని విజయవంతం చేయడంలో గీత ఆల‌పాటి, శిల్ప మ‌ద్దినేని ముఖ్యపాత్ర పోషించారు. సురేష్ పోతినేని, అజ‌య్ న‌ల్లూరి, రామ్‌ప్రసాద్‌, కేశ‌వ్‌, రంగ నాయ‌క‌మ్మ తదితరులు పాల్గొన్నారు.