NRI: పింగళి నాగేంద్రరావు జయంతి సందర్భంగా నేడు ఆన్‌లైన్ వేదికగా సంగీత కార్యక్రమం

'అలనాటి మాటల మాంత్రికుని'గా పేరు గాంచిన ప్రముఖ (సినీ) మాటల పాటల రచయిత స్వర్గీయ పింగళి నాగేంద్రరావు జయంతి సందర్భంగా ఘంటసాల ఇంటర్నేషనల్ ఫౌండేషన్ ట్రస్ట్ & శ్రీ సాంస్కృతిక కళాసారథి సింగపూర్ సంయుక్తంగా ఒక ప్రత్యేక కార్యక్రమాన్ని అంతర్జాల వేదికపై ఏర్పాటు చేశారు. "పింగళి మాటా-పాటా" పేరిట డిసెంబర్ 29న (శుక్రవారం) సాయంత్రం 5:00 గంటల నుండి (భారత కాలమానం) మాయాబజార్, మిస్సమ్మ, పాతాళభైరవి, గుండమ్మ కథ, జగదేకవీరుని కథ మొదలైన సినిమాలకు అద్భుతమైన మాటలను పాటలను అందించిన పింగళికి నివాళిగా, వారి పాటలను పాడుకుంటూ వారి మాటలను స్మరించుకోనున్నారు. యూట్యూబ్‌లో ప్రత్యక్ష ప్రసారమయ్యే ఈ కార్యక్రమాన్ని https://www.youtube.com/watch?v=6Orh_Gyc8k8 లింక్‌ ద్వారా వీక్షించవచ్చు.