DS Health : డీఎస్ ఆరోగ్య పరిస్థితి విషమం.. ఐసీయూలో చికిత్స
ABN , First Publish Date - 2023-09-11T22:22:54+05:30 IST
కాంగ్రెస్ సీనియర్ నేత, పీసీసీ మాజీ చీఫ్ ధర్మపురి శ్రీనివాస్ (Dharmapuri Srinivas) ఆరోగ్య పరిస్థితి విషమంగా ఉంది. సిటీ న్యూరో ఆస్పత్రిలో(Citi Neuro Centre Hospital) కుటుంబ సభ్యులు చేర్చారు...
కాంగ్రెస్ సీనియర్ నేత, పీసీసీ మాజీ చీఫ్ ధర్మపురి శ్రీనివాస్ (Dharmapuri Srinivas) ఆరోగ్య పరిస్థితి విషమంగా ఉంది. సిటీ న్యూరో ఆస్పత్రిలో(Citi Neuro Centre Hospital) కుటుంబ సభ్యులు చేర్చారు. ప్రస్తుతం ఐసీయూలో ఆయన చికిత్స తీసుకుంటున్నారు. డీఎస్ ఆరోగ్యంపై కుటుంబ సభ్యులు, అభిమానులు, కార్యకర్తలు ఆందోళన చెందుతున్నారు. మరో అరగంటలో ఆయన ఆరోగ్యంపై వైద్యులు హెల్త్ బులెటిన్ రిలీజ్ చేసే అవకాశం ఉంది. బులెటిన్ కోసం అభిమానులు, కుటుంబ సభ్యులు వేచి చూస్తున్నారు. డీఎస్ ఆరోగ్యంగా తిరిగి రావాలని అభిమానులు పూజలు చేస్తున్నారు. ఇప్పటికే సిటి న్యూరో ఆస్పత్రికి అభిమానులు తరలివచ్చారు.
గతంలో కూడా..!
కాగా.. గత కొన్ని రోజులుగా అనారోగ్యంతో బాధపడుతున్నారు. గతంలోనే డీఎస్‌కు బ్రెయిన్ స్ట్రోక్ (Brain Stroke) రావడంతో పక్షవాతం కూడా సోకింది. మార్చి నెలలో తీవ్ర అనారోగ్యానికి గురవ్వగా ఇదే సిటీ న్యూరో సెంటర్‌కు తరలించిన కుటుంబ సభ్యులు చికిత్స అందించారు. ఆ తర్వాత డీఎస్ కోలుకున్నారు కూడా. అయితే అంతా బాగుందనుకున్న టైమ్‌లో ఇప్పుడు సడన్‌గా ఇలా ఆరోగ్య పరిస్థితి విషమించడంతో అభిమానులు ఆందోళన చెందుతున్నారు. మరోవైపు.. డీఎస్ ఆరోగ్యంపై కాంగ్రెస్ కీలక నేతలు ఎప్పటికప్పుడు ఆరాతీస్తున్నారు.
