Heart Touching Story: ఒక్కసారి కలవాలంటూ వెతుక్కుంటూ వచ్చిన స్కూల్ ఫ్రెండ్.. కాసేపయ్యాక ఏడుస్తూనే 50 ఏళ్ల నుంచి దాచిన నిజాన్ని చెప్పి..
ABN , First Publish Date - 2023-03-31T19:23:45+05:30 IST
తయాబున్ నిషా.. భారత మాజీ అథ్లెట్. పలు అంతర్జాతీయ క్రీడా పోటీల్లో పాల్గొని ఎన్నో పతకాలు సాధించి ప్రపంచ వ్యాప్తంగా ప్రశంసలు అందుకుంది. ప్రస్తుతం ఆమె వయసు 70 ఏళ్లు. జీవితంలో ఎన్నో సాధించి విశ్రాంతి తీసుకుంటున్నారు. కానీ ఆమెను ఎప్పట్నుంచో ఓ విషయం వేధిస్తోంది.
తయాబున్ నిషా (Tayabun Nisha).. భారత మాజీ అథ్లెట్ (Athlete). పలు అంతర్జాతీయ క్రీడా పోటీల్లో పాల్గొని ఎన్నో పతకాలు సాధించి ప్రపంచ వ్యాప్తంగా ప్రశంసలు అందుకుంది. ప్రస్తుతం ఆమె వయసు 70 ఏళ్లు. జీవితంలో ఎన్నో సాధించి విశ్రాంతి తీసుకుంటోంది. కానీ ఆమెను ఎప్పట్నుంచో ఓ విషయం వేధిస్తోంది. జీవితంలో ఎన్ని సాధించినా ఆ వెలితి మాత్రం వెంటాడుతూనే ఉంది. నిషా తన క్లాస్‌మేట్ జులేఖ గురించి చింతిస్తూ ఉండేది. ఎందుకంటే జులేఖను నిషా ఓ విషయంలో మోసం చేసింది. దీంతో ఆమె గురించి ఎంతగానో అన్వేషణ సాగించి ఎట్టకేలకు 50 ఏళ్ల తర్వాత ఆమెను కలిసింది.
తయాబున్ నిషాను ఆందోళనకు గురి చేస్తున్న విషయం దాదాపు 6 దశాబ్దాల నాటిది. ఇద్దరూ అసోంలోని (Assam) శివసాగర్ పట్టణంలోని ఒకే పాఠశాలలో చదువుకునేవారు. ఆ సమయంలో ఒకరోజు జులేఖ తన బంగారు ఉంగరాన్ని (Gold Ring) పాఠశాలలో పోగొట్టుకుంది. ఆ సమయంలో అందరూ కలిసి ఉంగరం కోసం వెతికారు. కానీ ఎవరికీ దొరకలేదు. నిషాకు చిన్నప్పటి నుంచి క్రీడలపై ఆసక్తి ఉండటంతో పాఠశాలకు తొందరగా చేరుకుని గ్రౌండ్ శుభ్రం చేసేది. ఒక రోజు నిషా గ్రౌండ్ శుభ్రం చేస్తుండగా జులేఖ బంగారు ఉంగరం కనిపించింది. అయితే ఆ ఉంగరాన్ని జులేఖకు నిషా ఇవ్వలేదు. తనది పేద కుటుంబం కావడంతో ఆ ఉంగరం ఇంటి ఖర్చులకు ఉపయోగపడుతుందని నిషా భావించింది. పైగా చాలా రోజుల తర్వాత ఉంగరాన్ని తిరిగి ఇస్తే, అందరూ తనను దొంగగా పరిగణిస్తారని కూడా భయపడింది. (Heart Touching Story)
Marriage: వధువు మెడలో దండ వేయబోతుండగా సడన్‌గా షాకింగ్ ఘటన.. వరుడి రియాక్షన్స్ చూసి నెటిజన్ల ఫైర్.. ఏం జరిగిందో మీరే చూడండి..!
ఆ ఉంగరం దొరికిన కొద్ది రోజులకే నిషా తండ్రి చనిపోయారు. ఇంటి ఆర్థిక పరిస్థితి మరింత దిగజారడంతో బతుకుదెరువు కోసం ఇంట్లోని వస్తువులతో పాటు బంగారు ఉంగరాన్ని కూడా నిషా అమ్ముకోవాల్సి వచ్చింది. తర్వాత స్పోర్ట్స్‌ కోటా ద్వారా రైల్వేలో ఉద్యోగం రావడంతో నిషా జీవితం కాస్త మెరుగుపడింది. ఆ తర్వాత అంతర్జాతీయ క్రీడాకారిణిగా ఎదిగింది. అయితే ఎన్ని సాధించినా జులేఖ ఉంగరం మాత్రం నిషాను మళ్లీ మళ్లీ ఇబ్బంది పెడుతూనే ఉంది. ఎలాగైనా జులేఖను కలుసుకుని ఉంగరం ఖరీదును ఆమెకు తిరిగి ఇచ్చేయాలని నిషా నిర్ణయించుకుంది. అయితే జులేఖ పెళ్లి చేసుకుని వేరే చోటుకు వెళ్లిపోయింది. (Viral Story)
Viral Video: ఖర్మ ఫలితం అంటే ఇదేనేమో.. బైక్‌పై వెళ్తూ ముగ్గురు కుర్రాళ్లు చేసిన తింగరి చేష్టలకు మరుక్షణంలోనే షాకింగ్ రిజల్ట్..!
నిషా ఎప్పుడు శివసాగర్‌కు వెళ్లినా జులేఖ కోసం వెతుకుతూ ఉండేది. ఆమె సోదరి కూడా జులేఖ కోసం వెతికేది. చివరకు జులేఖ అడ్రస్ దొరికింది. వెంటనే నిషా అక్కడకు వెళ్లి తన చిన్ననాటి స్నేహితురాలిని కలిసింది. ఇద్దరూ కలిసి భోజనం చేసి పాత జ్ఞాపకాలను పంచుకున్నారు. ఉంగరం విషయంలో చిన్నప్పుడు తను చేసిన దాని గురించి జులేఖకు మొత్తం చెప్పింది. అదంతా మరిచిపోయానని, ఇప్పుడు డబ్బులు చెల్లించాల్సిన అవసరం లేదని జులేఖ వారించింది. అయినా నిషా మాత్రం స్నేహితురాలికి కొంత డబ్బు ఇచ్చింది. ప్రస్తుతం ఇద్దరూ తరచుగా ఫోన్‌లో మాట్లాడుకుంటూ తమ స్నేహాన్ని కొనసాగిస్తున్నారు.
