OTT content: తాజాగా ఓటీటీలో విడుదలైన వెబ్‌సిరీస్‌లు, సినిమాలు ఇవే..
ABN , First Publish Date - 2023-02-09T09:04:39+05:30 IST
ఈ డిజిటల్ యుగంలో ఓటీటీల హవా బాగా పెరిగింది. దీంతో థియేటర్‌‌లతో పోటీ పడుతూ స్పెషల్ కంటెంట్‌తో ముందుకు వస్తున్నాయి.
ఈ డిజిటల్ యుగంలో ఓటీటీల హవా బాగా పెరిగింది. దీంతో థియేటర్‌‌లతో పోటీ పడుతూ స్పెషల్ కంటెంట్‌తో ముందుకు వస్తున్నాయి. అంతేకాకుండా థియేటర్‌లో రిలీజైన సినిమాలు, కొద్ది రోజుల గ్యాప్‌లోనే ఓటీటీలోకి రావడం ఇప్పుడు సర్వసాధారణమైపోయింది. ఈ తరుణంలో.. ఫిబ్రవరి 8న ఓటీటీలో విడుదలైన వెబ్‌సిరీస్‌లు, సినిమాల గురించి తెలుసుకుందాం..
తెగింపు (Thegimpu)
కోలీవుడ్‌ స్టార్‌ హీరో అజిత్ కుమార్‌ నటించిన తాజా చిత్రం 'తుణివు'. తెలుగులో 'తెగింపు'. హెచ్‌.వినోద్‌ దర్శకత్వం వహించిన ఈ చిత్రం జనవరి 13న విడుదలైంది. సంక్రాంతి కానుకగా విడుదలైన ఈ మూవీకి మిక్స్‌డ్‌ టాక్‌ వచ్చింది. ఓ బ్యాంక్‌ చెస్ట్‌లోని రూ.1500 కోట్లలో రూ.500 కోట్లు కొట్టేయడానికి రెండు ముఠాలు ప్రయత్నిస్తూ ఉంటాయి. అందులో డేవిల్ (అజిత్ కుమార్‌) టీం కూడా ఉంటుంది. అయితే వారు కేవలం డబ్బు దోచుకోడానికే బ్యాంకుకి వచ్చారా లేక మరేదైనా కారణం ఉందా అనేది ఈ చిత్ర కథాంశం. ఈ మూవీ ప్రస్తుతం ప్రముఖ ఓటీటీ ప్లాట్ఫామ్ నెట్‌ఫ్లిక్స్‌లో స్ట్రీమింగ్‌ అవుతోంది.
ది ఎక్స్ఛేంజ్ (The Exchange)
ది ఎక్స్ఛేంజ్ అనేది 2021లో తెరకెక్కిన డాన్ మేజర్ దర్శకత్వం వహించిన కామెడీ డ్రామా చిత్రం. ఈ మూవీకి టిమ్ లాంగ్ కథ, స్క్రీన్ ప్లే అందించాడు. ఇందులో ఎడ్ ఆక్సెన్‌బోల్డ్, అవన్ జోగియా, జస్టిన్ హార్ట్లీ నటించారు. ప్రాన్స్‌కి చెందిన టిమ్ లాంగ్ అనే విద్యార్థిని ప్రొగ్రామ్‌ కింద కెనడాకి వెళుతుంది. ఈ తరుణంలో ఆమెకి ఎదురైన సంఘటనల సమాహారమే ఈ చిత్ర కథాంశం. ఈ మూవీ ప్రస్తుతం ప్రముఖ ఓటీటీ ప్లాట్ఫామ్ నెట్‌ఫ్లిక్స్‌లో స్ట్రీమింగ్‌ అవుతోంది.
నెట్‌ఫ్లిక్స్‌ (Netflix)
Bill Russell: Legend - ఇంగ్లిష్‌
డిస్నీ ప్లస్‌ హాట్‌స్టార్ (Disney + Hotstar)
Marvel Studios Assembled: The Making of Black Panther: Wakanda Forever - ఇంగ్లిష్‌
