Viral: బాబోయ్.. షమీ 7 వికెట్లు తీస్తాడని సరిగ్గా ఒక రోజు ముందే చెప్పేశాడు! ఇతడు ఎవరంటే..

ఇంటర్నెట్ డెస్క్: న్యూజిలాండ్‌‌తో నిన్న జరిగిన వరల్డ్ కప్ సెమీస్‌లో మహ్మద్ షమీ పర్‌ఫార్మెన్స్ అత్యద్భుతం! మ్యాచ్‌కు ఐదు వికెట్లు తీస్తేనే గొప్ప అనుకునే తరుణంలో దాదాపుగా ప్రతి మ్యాచ్‌లోనూ ఐదు వికెట్లు తీసిన షమీ నిన్నటి మ్యాచ్‌లో ఏకంగా ఏడు వికెట్లు కొల్లగొట్టాడు. న్యూజిలాండ్‌కు చుక్కుల చూపించాడు. షమీ ఈ స్థాయిలో చెడుగుడు ఆడుకుంటాడని బహుశా అతడు కూడా ఊహించిన ఉండదు. భారతీయ అభిమానులు కూడా ఇలాంటి పర్‌ఫార్మెన్స్ షమీ నుంచి ఊహించలేదు కానీ ఒకే ఒక వ్యక్తి షమీ విజయయాత్రను ముందే ఊహించాడు. ఇంకా కరెక్ట్‌గా చెప్పాలంటే కలగన్నాడు. మరుసటి రోజే అతడి కల నిజమవడంతో నెట్టింట కలకలం రేగుతోంది(Viral).

Mohammed Shami: మహ్మద్ షమీని అరెస్టు చేయవద్దు.. ఢిల్లీ పోలీసులు ముంబై పోలీసుల ట్వీట్

డాన్ మాటియో(Don Mateo).. ఎక్స్‌ వేదికగా ఉండే కోట్ల మంది యూజర్లలో అతడూ ఒకడు. కానీ అతడి పేరు ప్రస్తుతం ట్రెండింగ్‌లో ఉంది. అతడికొచ్చిన కలే ఇందుకు కారణం. నవంబర్ 14, అంటే సెమీస్ మ్యాచ్‌ జరగడానికి ఓ రోజు ముందు అతడు ఈ విషయం గురించి నెట్టింట పంచుకున్నాడు. సెమీస్‌లో షమీ ఏకంగా7 వికెట్లు తీసినట్టు తనకు కల వచ్చిందని చెప్పాడు. ఆ మరుసటి రోజు అతడి కల నిజం కావడం నెట్టింట పెను సంచలనానికి దారి తీసింది(Twitter user dream about shami 7 wicket haul comes true).

Viral: భార్య ఎఫైర్ గురించి తెలిసి భర్త సంచలన నిర్ణయం.. ఆమెకు విముక్తి కల్పించాలని..

దీంతో, జనాలు డాన్ కనే కలలన్నీ నిజాలైపోతాయని ఫిక్సైపోయారు. వరల్డ్ కప్ ఫైనల్ నేపథ్యంలో అతడిని ట్యాగ్ చేస్తూ పలు రిక్వెస్టులు పెడుతున్నారు. 18న కూడా బాగా నిద్రపోయి మంచి కలకనమంటూ కొందరు విజ్ఞప్తి చేశారు. మరి కొందరు మాత్రం అతడు నిజమైన వ్యక్తా లేక చాట్‌బాట్‌ ఇలా చేస్తోందన్న అన్న సందేహం కూడా వ్యక్తం చేశారు. ‘నిద్రలో కలకంటే నిద్రలేచాక సాకారమైంది’ అంటూ మరికొందరు కామెంట్ చేశారు. జనాల నుంచి అనూహ్య స్పందన రావడంతో డాన్ కూడా తెగ ఎంజాయ్ చేస్తున్నాడు. తాను నిజమైన మనిషినేనని ఓ వ్యక్తికి సమాధానమిచ్చాడు. వరల్డ్ కప్ ఫైనల్‌కు ముందు కూడా నిద్రపోతానని మరో వ్యక్తి భరోసా ఇచ్చాడు. దాదాపు అందరికీ సమాధానమిస్తూ ట్రెండింగ్‌లో కొనసాగుతున్నాడు.