Viral: అసలైన లక్ అంటే ఇదే..ఒక్క తప్పుతో లైఫ్ టైం బంపర్ లాటరీ.. ఎంతొచ్చిందో తెలిస్తే..
ABN , First Publish Date - 2023-11-26T21:40:40+05:30 IST
ఎవరో చేసిన తప్పు మనకు వరంగా మారితే కలిగే ఫీలింగే వేరు! ఇటీవల ఓ అమెరికా వ్యక్తి జీవితంలో సరిగ్గా ఇదే జరిగింది. లాటరీ టిక్కెట్ కొనే సమయంలో లాటరీ షాపు క్లర్క్ చేసిన తప్పు అతడిపై కనకవర్షం కురిపించింది.
ఇంటర్నెట్ డెస్క్: ఎవరో చేసిన తప్పు మనకు వరంగా మారితే కలిగే ఫీలింగే వేరు! ఇటీవల ఓ అమెరికా (USA) వ్యక్తి జీవితంలో సరిగ్గా ఇదే జరిగింది. లాటరీ టిక్కెట్ కొనే సమయంలో లాటరీ షాపు క్లర్క్ చేసిన తప్పుతో(Clerk mistake) అతడికి జాక్‌పాట్ తగిలింది. ఒక్క రోజులో లైఫ్ సెట్ అయిపోయింది.
ఇలినాయ్ రాష్ట్రానికి చెందిన మైఖేల్ (60) అప్పుడప్పుడూ మిషిగన్ రాష్ట్రంలోని(Michigan) న్యూబఫలో ప్రాంతానికి వస్తుంటారు. అలా వచ్చినప్పుడల్లా అక్కడ తనకు నచ్చిన రెస్టారెంట్‌లో భోజనం చేసి ఆపై లక్కీ ఫర్ లైఫ్ (Lucky for life Ticket) లాటరీ టిక్కెట్ కొనుగోలు చేస్తారు. 10 లేదా 20 డ్రాలతో ఒకే నంబర్ ఉన్న టిక్కెటు కొనడం ఆయన అలవాటు.
Viral: చికెన్ శాండ్‌విచ్‌తో ఫ్లైట్ ఎక్కిన మహిళ..విమానంలో కునుకు తీయడంతో జరిగిందో దారుణం!
అయితే, ఇటీవల మైఖేల్ టిక్కెట్ కొనుగోలు చేస్తున్న సమయంలో క్లర్కు పొరపాటు కారణంగా పరిస్థితి తారుమారైంది. 10 డ్రాలతో ఒక నంబర్ ఉన్న టిక్కెట్‌కు బదులు ఒక్క డ్రాతో పది నెంబర్లున్న టిక్కెట్ ఇచ్చాడా క్లర్క్. వెంటనే ఆ పొరపాటును గుర్తించి మరో టిక్కెట్ ఇస్తానని క్లర్క్ అన్నా కూడా మైఖేల్ వద్దని వెళ్లిపోయారు. అదే చివరకు ఆయనకు అదృష్టం తెచ్చిపెట్టింది. ఇటీవల ఓ రోజు మైఖేల్ తన టిక్కెట్ చెక్ చేసుకోగా లాటరీ తగిలినట్టు గుర్తించారు. ఏటా 25 వేల డాలర్ల చొప్పున జీవతమంతా (గరిష్ఠంగా 20 ఏళ్లు..) డబ్బు అందేలా లాటరీ గెలుచుకున్నారు. దీంతో, మైఖేల్ ఆనందానికి అంతేలేకుండా పోయింది.
Viral: విసిగిపోయిన భారతీయ రెస్టారెంట్.. బ్రిటన్ ప్రజలకు ఊహించని వార్నింగ్!
ఇటీవలే మైఖేల్ లాటరీ కంపెనీ నుంచి డబ్బు తెచ్చుకున్నారు. ఏటా కొంత మొత్తం తీసుకునే బదులు ఒకేసారి 3,90,000 డాలర్లు తీసుకుని వ్యవహారం సెటిల్ చేసుకున్నారు. ఈ మొత్తంతో తొలుత ప్రపంచవ్యాప్తంగా పర్యటించి ఆ తరువాత మిగిలిన మొత్తాన్ని దాచుకుంటానని సంబరపడిపోతూ చెప్పారు మైఖేల్.
Viral: వామ్మో ఇంత దూకుడా.. ఇలాగైతే చైనాను ఆపడం కష్టమే..!
