IPL 2023: గుజరాత్‌పై టాస్ గెలిచిన ఢిల్లీ.. గెలుపుబాట పట్టేనా?

అహ్మదాబాద్: ఇండియన్ ప్రీమియర్ లీగ్ (IPL)లో మరో ఆసక్తికర పోరుకు అహ్మదాబాద్‌లోని నరేంద్రమోదీ స్టేడియం సిద్ధమైంది. పాయింట్ల పట్టికలో అగ్రస్థానంలో ఉన్న గుజరాత్ టైటాన్స్‌ (GT)పై అట్టడుగున ఉన్న ఢిల్లీ కేపిటల్స్ (DC) టాస్ గెలిచి బ్యాటింగ్ ఎంచుకుంది. స్వల్ప అస్వస్థతకు గురైన మిచెల్ మార్ష్ స్థానంలో రిలీ రోసౌ జట్టులోకి వచ్చాడు. అలాగే, గాయం నుంచి కోలుకున్న ఖలీల్ తిరిగి జట్టులోకి వచ్చాడు. గుజరాత్ టైటాన్స్ మాత్రం ఎలాంటి మార్పులు లేకుండా బరిలోకి దిగుతోంది.

మూడు వరుస విజయాలతో ఊపు మీదున్న గుజరాత్‌ను గత మ్యాచ్‌లో హైదరాబాద్ చేతిలో దారుణంగా ఓడిన వార్నర్ సేన ఎలా అడ్డుకుంటుందో చూడాలి. ఇప్పటికే విమర్శల్లో చిక్కుకున్న వార్నర్ ఈ మ్యాచ్‌లో జట్టును ఎలా నడిపిస్తాడో చూడాలి. ఇప్పటి వరకు 8 మ్యాచ్‌లు ఆడిన ఢిల్లీ 2 మ్యాచుల్లో మాత్రమే గెలిచి పాయింట్ల పట్టికలో అట్టడుగున నిలిచింది. ఢిల్లీ కనుక ప్లే ఆఫ్స్ రేసులో నిలవాలంటే ఇకపై జరిగే ప్రతీ మ్యాచ్‌లోనూ గెలవక తప్పని పరిస్థితి నెలకొంది. కాబట్టి ఈ మ్యాచ్‌లో ఏం చేస్తుందో, గుజరాత్‌ను ఎంత వరకు అడ్డుకుంటుందో చూడాలి.