IND vs PAK: డియర్ పాకిస్థానీ ఫ్యాన్స్.. మీ టీవీలు జాగ్రత్త.. ఇండియా, పాక్ మ్యాచ్ నేపథ్యంలో సోషల్ మీడియాలో వైరల్ అవుతున్న మీమ్స్!

ఈ ప్రపంచకప్‌లోనే (World Cup 2023) అతి పెద్ద మ్యాచ్ అయిన భారత్, పాకిస్థాన్ మ్యాచ్ (IND vs PAK) ప్రస్తుతం అహ్మదాబాద్‌లోని నరేంద్ర మోదీ స్టేడియంలో జరుగుతోంది. టాస్ ఓడి బ్యాటింగ్‌కు దిగిన పాకిస్తాన్ (Pakistan)సాధికారికంగా ఆడుతోంది. భారత్, పాకిస్తాన్ మ్యాచ్ అంటే హై ఓల్టేజ్ గేమ్. అందులోనూ ప్రపంచకప్‌లో ఈ రెండు జట్లూ తలపడుతున్నాయంటే రెండు దేశాల ఫ్యాన్స్ మాత్రమే కాదు.. ప్రపంచవ్యాప్తంగా క్రికెట్ ప్రేమికులందరూ ఆసక్తిగా తిలకిస్తారు.

ఇప్పటివరకు జరిగిన వన్డే ప్రపంచకప్‌లలో భారత్‌పై పాక్ ఒక్కసారి కూడా గెలవలేదు. ఇప్పటివరకు ఈ రెండు జట్లూ వరల్డ్ కప్‌లలో ఏడు సార్లు తలపడితే ఏడు సార్లూ భారత జట్టే గెలుపొందింది. ప్రపంచకప్ మ్యాచ్‌లలో పాకిస్తాన్ ఓడిపోయిన ప్రతిసారీ ఆ దేశ అభిమానులు కొందరు విపరీతంగా ప్రవర్తిస్తారు. ఇళ్లలోని టీవీ సెట్లపై తమ కోపాన్ని ప్రదర్శిస్తారు. టీవీలను బద్దలుగొట్టేస్తుంటారు. ప్రస్తుత ప్రపంచకప్ మ్యాచ్ నేపథ్యంలో సోషల్ మీడియాలో ఫన్నీ మీమ్స్ ( Memes on IND vs PAK match) వైరల్ అవుతున్నాయి.

ఈ మ్యాచ్‌లో కూడా భారత జట్టే గెలుస్తుందని, మళ్లీ పాక్ ఫ్యాన్స్‌కు (Pakistani fans) నిరాశ తప్పదని భారత అభిమానులు జోస్యం చెబుతున్నారు. పాకిస్తాన్‌లోని ప్రస్తుత ద్రవ్యోల్బణం నేపథ్యంలో అనవసరంగా టీవీలను పగలగొట్టొదని మీమ్స్ (Memes)సృష్టిస్తున్నారు. ఈ మీమ్స్ ట్విటర్‌లో ట్రెండింగ్‌గా మారాయి. ఆ మీమ్స్‌పై మనం కూడా ఓ లుక్కేద్దామా..