Punjab vs Delhi: చెలరేగిన ఢిల్లీ బ్యాట్స్‌మెన్.. పంజాబ్ కింగ్స్ ముందు కొండంత లక్ష్యం

ధర్మశాల: పంజాబ్ కింగ్స్‌కు (Punjab kings) అత్యంత కీలకమైన మ్యాచ్‌లో ఢిల్లీ క్యాపిటల్స్ (Delhi Capitals) బ్యాట్స్‌మెన్ చెలరేగారు. ధర్మశాల వేదికగా జరుగుతున్న ఈ మ్యాచ్‌లో సిక్సర్లు, ఫోర్లతో విరుచుకుపడ్డారు. రూసో (82), పృథ్వీ షా (54) అర్ధసెంచరీలతో రాణించడంతో ఢిల్లీ క్యాపిటల్స్ నిర్ణీత 20 ఓవర్లలో 2 వికెట్ల నష్టానికి 213 పరుగులు చేసింది. ముఖ్యంగా రీలే రూసో కేవలం 37 బంతుల్లోనే 82 పరుగులు చేశాడు. ఇందులో 6 సిక్సర్లు, 6 ఫోర్లు ఉన్నాయి. ఇక ఓపెనర్లు పృద్వీ షా, డేవిడ్ వార్నర్ కూడా రాణించారు. తొలి వికెట్‌కు 94 పరుగుల భారీ భాగస్వామ్యాన్ని నెలకొల్పారు. చివరిలో వేగంగా ఆడిన సాల్ట్ 14 బంతుల్లోనే 26 పరుగులు చేశాడు. ఇక పంజాబ్ కింగ్స్ బౌలర్లలో సామ్ కర్రాన్ ఒక్కడే 2 వికెట్లు తీశాడు.