IPL 2023: హైదరాబాద్‌‌ జట్టుకు భారీ టార్గెట్..

జైపూర్: (ఐపీఎల్ -16, IPL 2023)లో రాజస్థాన్ రాయల్స్ జట్టు (Rajasthan Royals) భారీ స్కోర్ చేసింది. ప్రత్యర్థి జట్టు సన్ రైజర్స్ హైదరాబాద్‌కు (Sunrisers Hyderabad) 215 పరుగుల భారీ విజయ లక్ష్యాన్ని నిర్దేశించింది. 20 ఓవర్లలో 2 వికెట్లు మాత్రమే కోల్పోయి రాజస్థాన్ రాయల్స్ 214 పరుగులు చేసింది. ఆర్ఆర్‌పై విజయం సాధించాలంటే సన్ రైజర్స్ హైదరాబాద్‌ పూర్తి స్థాయిలో శ్రమించాల్సిందే.

రాజస్థాన్ రాయల్స్ బ్యాటింగ్ వివరాలు ఇలా ఉన్నాయి.

59 బంతుల్లో జోస్ బట్లర్ 95 పరుగులు చేసి బౌల్డ్ అయ్యాడు. 38 బంతుల్లో సంజు సామ్సన్ 66 పరుగులు చేసి నాటౌట్‌గా నిలిచాడు. 4.6 ఓవర్లలో 54 పరుగులు వద్ద ఆర్ఆర్ తొలి వికెట్ కోల్పోయింది. 18.3 ఓవర్లలో 192 పరుగుల వద్ద రాజస్థాన్ రాయల్స్ రెండో వికెట్ కోల్పోయింది. 18 బంతుల్లో యశస్వి జైస్వాల్ 35 పరుగులు చేసి మార్కో జాన్సెన్ వేసిన బౌలింగ్‌లో నటరాజన్‌‌కు క్యాచ్ ఇచ్చి ఔటయ్యాడు. షిమ్రాన్ హెట్మెయర్ 5 బంతుల్లో 7 పరుగులు చేసి నాటౌట్‌గా నిలిచాడు.

IPL 2023లో భాగంగా ఇవాళ సవాయ్ మాన్‌సింగ్ స్టేడియంలో రాజస్థాన్ రాయల్స్ - సన్ రైజర్స్ హైదరాబాద్ (Sunrisers Hyderabad) మధ్య 52వ జరుగుతోంది. తొలుత రాజస్థాన్ రాయల్స్ జట్టు టాస్ గెలిచి బ్యాటింగ్ ఎంచుకుంది. దీంతో ప్రత్యర్థి జట్టు హైదరాబాద్ ఫీల్డింగ్‌ చేసింది.