Apple: అమెజాన్‌లో ఐఫోన్లపై భారీ డిస్కౌంట్

న్యూఢిల్లీ: ప్రముఖ స్మార్ట్‌ఫోన్ల తయారీ సంస్థ ఆపిల్ (Apple) తమ వినియోగదారులకు శుభవార్త అందించింది. ఐఫోన్ 14 (iPhone 14) స్మార్ట్‌ఫోన్లపై భారీగా ధరలను తగ్గించినట్లు సంస్థ తెలిపింది. అమెజాన్ ఆపిల్ సేల్ డేస్‌లో భారత మార్కెట్‌లో ఐఫోన్ 14 ధరలను తగ్గించింది. గత సంవత్సరం సెప్టెంబర్ నెలలో ఐఫోన్ 14 ఫోన్లను విడుదల చేసింది. అప్పటి ఫోన్ల ధర రూ. 79,900 ఉండగా, ఇప్పుడు అమెజాన్ ఆపిల్ సేల్ డేస్‌ పేరుతో ఫోన్లపై రూ. 13 వేల వరకు భారీ డిస్కౌంట్ ఇచ్చింది.

128జీబీ వేరియంట్ ఐఫోన్ 14 ప్రారంభ ధర రూ. 79,900 ఉండగా, ఇప్పుడు రూ. 67,999కే అందిస్తున్నట్లు కంపెనీ తెలిపింది. 256జీబీ వేరియంట్ ఐఫోన్ 14 రూ. 89,900 ఉంటుంది. 512జీబీ వేరియంట్ ఐఫోన్ 14 ప్రారంభ ధర రూ. 1,09,900 ఉండగా, ప్రస్తుతం 97,999కే లభిస్తోందని సంస్థ వెల్లడించింది. జూన్ 17 వరకే అమెజాన్ ఆపిల్ సేల్ డేస్‌ ఆఫర్ ఉంటుందని సంస్థ తెలిపింది.