Poco: అద్భుత ఫీచర్లతో పోకో 5జీ స్మార్ట్‌ఫోన్ విడుదల
ABN , First Publish Date - 2023-06-09T17:36:10+05:30 IST
చైనాకు చెందిన ప్రముఖ స్మార్ట్‌ఫోన్ల తయారీ సంస్థ పోకో (Poco) తమ వినియోగదారులను ఆకట్టుకునేందుకు ఎప్పటికప్పుడు తమ ఉత్పత్తులను మార్కెట్‌లో అందుబాటులోకి తీసుకొస్తోంది.
హైదరాబాద్: చైనాకు చెందిన ప్రముఖ స్మార్ట్‌ఫోన్ల తయారీ సంస్థ పోకో (Poco) తమ వినియోగదారులను ఆకట్టుకునేందుకు ఎప్పటికప్పుడు తమ ఉత్పత్తులను మార్కెట్‌లో అందుబాటులోకి తీసుకొస్తోంది. ఇందులో భాగంగా అద్భుత ఫీచర్లతో పోకో 5జీ స్మార్ట్‌ఫోన్లను విడుదల చేసినట్లు కంపెనీ పేర్కొంది.
పోకో ఎక్స్ 5 ప్రో 5జీ ప్రారంభ ధర రూ. 22,999 ఉండగా, రూ. 21,999కే విక్రయిస్తున్నట్లు కంపెనీ తెలిపింది. ఫ్లిప్‌కార్ట్ బిగ్ సేవింగ్ డేస్ సేల్ (Flipkart Big Saving Days Sale) పేరుతో ప్రస్తుతం ప్లస్ మెంబర్‌ల కోసం ఈ ఆఫర్ అందుబాటులో ఉంది. హెచ్‌డీఎఫ్‌సీ, ఐసీఐసీఐ, ఎస్‌బీఐ బ్యాంక్ కార్డ్‌లను ఉపయోగించి ఫోన్లను కొనుగోలు చేసిన ఆసక్తి గల వినియోగదారులకు రూ. 1,000 తగ్గిస్తున్నట్లు సంస్థ తెలిపింది.
