ఎమర్జెన్సీ లైట్‌ బ్యాటరీలో బంగారం
ABN , First Publish Date - 2023-05-24T23:33:56+05:30 IST
శంషాబాద్‌ అంతర్జాతీయ విమానాశ్రయంలో అక్రమంగా తరలిస్తున్న బంగారాన్ని కస్టమ్స్‌ అధికారులు స్వాధీనం చేసుకున్నారు.
అక్రమంగా తరలిస్తూ శంషాబాద్‌ ఎయిర్‌పోర్టులో పట్టుబడిన ప్రయాణికుడు
ఽశంషాబాద్‌రూరల్‌, మే 24 : శంషాబాద్‌ అంతర్జాతీయ విమానాశ్రయంలో అక్రమంగా తరలిస్తున్న బంగారాన్ని కస్టమ్స్‌ అధికారులు స్వాధీనం చేసుకున్నారు. ఆంధ్రప్రదేశ్‌ రాష్ట్రం కపడకు చెందిన ప్రయాణికుడు దుబాయ్‌ నుంచి ఎమిరేట్స్‌ ఈకే 524 విమానంలో బుధవారం తెల్లవారుజామున శంషాబాద్‌ ఎయిర్‌పోర్ట్‌కు చేరుకున్నాడు. అతని బ్యాగులను కస్టమ్స్‌ అధికారులు తనిఖీ చేశారు. ఎమర్జేన్సీ లైట్‌ బ్యాటరీలో 2.91 కేజీల బంగారం పెట్టుకొస్తున్నట్లు గుర్తించారు. దీని విలువ రూ.1.81 కోట్లు ఉంటుందని అంచనా వేశారు. గోల్డ్‌ను సీజ్‌ చేసిన అధికారులు నిందితుడిపై కేసు నమోదు చేసుకుని దర్యాప్తు చేస్తున్నట్లు చెప్పారు.
