Road Accident: కీసర ఓఆర్‌ఆర్‌పై పల్టీ కొట్టిన బొలేరో వాహనం
ABN , First Publish Date - 2023-01-30T09:54:07+05:30 IST
జిల్లాలోని కీసర ఔటర్ రింగ్ రోడ్డుపై సోమవారం తెల్లవారుజామున రోడ్డు ప్రమాదం జరిగింది.
మేడ్చల్: జిల్లాలోని కీసర ఔటర్ రింగ్ రోడ్డుపై సోమవారం తెల్లవారుజామున రోడ్డు ప్రమాదం జరిగింది. సోలాపూర్ నుంచి ద్రాక్ష పండ్ల లోడ్‌తో ఫ్రూట్ మార్కెట్ వెళ్తుండగా బొలేరో వాహనం అదుపుతప్పి పల్టీ కొట్టింది. ఈ ఘటనలో డ్రైవర్ అనిల్‌కు గాయాలయ్యాయి. సమాచారం అందిన వెంటనే పోలీసులు అక్కడకు చేరుకుని గాయపడిన డ్రైవర్‌ను ఘట్కేసర్ ప్రభుత్వాస్పత్రికి తరలించారు. వాహనంలో ఉన్న ద్రాక్షా పండ్లు రోడ్డుపై పడిపోవడంతో ట్రాఫిక్ జామ్ అయ్యింది. డ్రైవర్ నిర్లక్ష్యమే ప్రమాదానికి కారణంగా పోలీసులు గుర్తించారు. కేసు నమోదు చేసిన పోలీసులు దర్యాప్తు చేపట్టారు.
