ఎస్టీయూ జిల్లా అధ్యక్షుడిగా పాండురంగారెడ్డి

రంగారెడ్డి అర్బన్‌, మే 23: రాష్ట్ర ఉపాధ్యాయ సంఘం జిల్లా అధ్యక్షుడిగా సత్తు పాండురంగారెడ్డి నియమితులయ్యారు. ఆయన యాచారం మండలం కుర్మిద్ద ఉన్నత పాఠశాల ప్రధానోపాధ్యాయుడిగా పనిచేస్తున్నారు. మంగళవారం కాచిగూడలోని ఎస్టీయూ జిల్లా కార్యాలయంలో నిర్వహించిన అత్యవసర సమావేశంలో ఈ మేరకు పాండురంగారెడ్డిని ఎన్నుకున్నారు. రాష్ట్ర అధ్యక్ష, ప్రధాన కార్యదర్శుల చేతుల మీదుగా నియామక పత్రాన్ని అందుకున్నారు. ఈ సందర్భంగా ఆయన మాట్లాడుతూ.. సంఘం తనపై ఉంచిన నమ్మకాన్ని వమ్ము చేయకుండా శాయశక్తులా ఉపాధ్యాయులకు సేవలందిస్తూ వారి సమస్యల పరిష్కారానికి కృషి చేస్తానని చెప్పారు. కార్యక్రమంలో రాష్ట్ర సంఘం అధ్యక్ష, ప్రధాన కార్యదర్శులు సదానందంగౌడ్‌, పర్వతరెడ్డి, రాష్ట్ర అసోసియేట్‌ అధ్యక్షుడు సుధాకర్‌, గోవర్ధన్‌రెడ్డి, శంకర్‌ మాతంగి, కులకర్ణి శ్రీనివాస్‌, జిల్లా నాయకులు రాజమణి, ప్రవీణ్‌కుమార్‌, జిల్లా కార్యవర్గ సభ్యులు పాల్గొన్నారు.