TS News: దారుణం.. రాళ్లగూడ వద్ద మైనర్ బాలిక హత్య

రంగారెడ్డి: జిల్లాలోని శంషాబాద్ రాళ్ల గూడ వద్ద దారుణఘటన చోటుచేసుకుంది. గుర్తుతెలియని దుండగులు మైనర్ బాలికను హత్యచేసి రాళ్లగూడ వద్ద పడేసి పరారయ్యారు. నాలుగు రోజుల క్రితం ఇంటి నుంచి మైనర్ బాలిక అదృష్టమైనట్లు కుటుంబసభ్యులు వాపోతున్నారు. మైనర్ బాలికను రాళ్ల గూడ వద్ద దుండగులు కిరాతకంగా చంపినట్లు పోలీసులు గుర్తించారు. ఈ ఘటనపై కేసు నమోదు చేసుకున్న పోలీసులు మైనర్ బాలికను ఎవరు చంపారన్న దానిపై విచారిస్తున్నారు. తమకు న్యాయం చేయాలంటూ కుటుంబ సభ్యులు శంషాబాద్ మెయిన్ రోడ్డుపై బైఠాయించారు. కుటుంబసభ్యులపై ఉన్న పగతో ఈ దారుణ ఘటనకు పాల్పడ్డారా? లేక అత్యాచారం చేసి హత్య చేశారా? తెలిసినవారే చేశారా? లేక తెలియని దుండగులు ఈ ఘటనకు పాల్పడ్డారా అనే కోణంలో పోలీసులు దర్యాప్తు జరుపుతున్నారు.