Rangareddy Dist.: హయత్‌నగర్‌లో ఉద్రిక్తత..
ABN , First Publish Date - 2023-08-21T14:05:37+05:30 IST
రంగారెడ్డి జిల్లా: హయత్‌నగర్‌లో ఉద్రిక్తత చోటు చేసుకుంది. విజయవాడ రహదారిపై గురుకుల పీజీటీ అభ్యర్థులు ఆందోళన నిర్వహించారు. గురుకుల పీజీటీ ఇంగ్లీష్ పరీక్ష రాసేందుకు హాయన్ డిజిటల్ జోన్ కేంద్రానికి అభ్యర్థులు వచ్చారు.
రంగారెడ్డి జిల్లా: హయత్‌నగర్‌లో ఉద్రిక్తత చోటు చేసుకుంది. విజయవాడ రహదారిపై గురుకుల పీజీటీ అభ్యర్థులు (PGT Candidates) ఆందోళన నిర్వహించారు. గురుకుల పీజీటీ ఇంగ్లీష్ పరీక్ష (English Exam) రాసేందుకు హాయన్ డిజిటల్ జోన్ కేంద్రానికి అభ్యర్థులు వచ్చారు. సోమవారం ఉదయం 8 గంటల 30 నిముషాల నుంచి 10 గంటల 30 నిముషాల వరకు పరీక్ష జరగాల్సి ఉంది. అయితే సమయం దాటినా పరీక్ష ప్రారంభం కాలేదు. సర్వర్ సమస్య ఉందంటూ సిబ్బంది అభ్యర్థులను లోపలకు అనుమతించలేదు. దీంతో తమకు న్యాయం చేయాలంటూ అభ్యర్థులు రోడ్డుపై బైఠాయించారు. విజయవాడ జాతీయ రహదారిపై భారీగా ట్రాఫిక్ జామ్ అయింది. ఘటన స్థలానికి చేరుకున్న పోలీసులతో అభ్యర్థులు వాగ్వాదానికి దిగారు. తమకు న్యాయం చేయాలని నినాదాలు చేశారు.
