CM KCR: కేసీఆర్ ఫామ్హౌజ్లో తాంత్రిక పూజలు చేయ్యం కానీ..: హరీశ్

హైదరాబాద్: రాజకీయాల్లోకి దుష్ట సంప్రదాయాలు వచ్చాయని మంత్రి హరీష్రావు (Harish Rao) అన్నారు. తాంత్రిక పాలన అని తప్పుడు మాటలు మాట్లాడుతున్నారని ఆయన ఆగ్రహం వ్యక్తం చేశారు. కేసీఆర్ (KCR) ఫామ్హౌజ్లో తాంత్రిక పూజలు చేయరన్నారు. కపిల గోవుకు పూజలు చేస్తారని హరీష్రావు తెలిపారు. తమ సీఎం.. ఎన్నికల ముందు గుళ్లు ప్రారంభించరన్నారు. చేతబడి కోర్సులు తాము పెట్టలేదన్నారు.

ఈ తాంత్రిక పూజలపై అప్పట్లో బండి సంజయ్ ఏమన్నారంటే...?

తెలంగాణ బీజేపీ అధ్యక్షుడు బండి సంజయ్ ఓ షాకింగ్ విషయంపై విమర్శలు చేశారు. సీఎం కేసీఆర్ ఫామ్ హౌజ్‌లో తాంత్రిక పూజలు జరుగుతున్నాయని ఆరోపించారు. బీజేపీ రాష్ట్ర కార్యాలయంలో మీడియా సమావేశం ఏర్పాటు చేసిన బండి సంజయ్‌ ఈ అంశంపై ఆసక్తికరమైన వ్యాఖ్యలు చేశారు. ఫామ్ హౌస్ లో తాంత్రిక పూజలు ఎందుకు చేస్తున్నావు కేసీఆర్ అని ప్రశ్నించిన బండి సంజయ్.. బీజేపీ నేతలు నాశనం కావడానికి తాంత్రిక పూజలు చేస్తున్నావా లేదా సమాధానం చెప్పాలని ప్రశ్నించారు.