రేపు కర్నూలులో ట్రాన్స్‌కో సమన్వయ సమితి సమావేశం
ABN , Publish Date - Oct 20 , 2024 | 05:18 AM
ఏపీ ట్రాన్స్‌కో రాష్ట్ర సమన్వయ సమితి సమావేశం కర్నూలులో ఏపీఈఆర్‌సీ చైర్మన్‌ జస్టిస్‌ నాగార్జున రెడ్డి అధ్యక్షతన సోమవారం జరగనుంది.
అమరావతి, అక్టోబరు 19 (ఆంధ్రజ్యోతి): ఏపీ ట్రాన్స్‌కో రాష్ట్ర సమన్వయ సమితి సమావేశం కర్నూలులో ఏపీఈఆర్‌సీ చైర్మన్‌ జస్టిస్‌ నాగార్జున రెడ్డి అధ్యక్షతన సోమవారం జరగనుంది. ఈ సమావేశంలో 2024-25 నుంచి 2028-29 వరకూ రాష్ట్ర విద్యుత్తు ప్రణాళిక ఆమోదం పొందేందుకు ఏర్పాటు చేసినట్టు ఇంధన శాఖ ప్రత్యేక ప్రధాన కార్యదర్శి కె.విజయానంద్‌ శనివారం ఒక ప్రకటనలో తెలిపారు. ఈ సమావేశంలో ఏపీ జెన్‌కో ఎండీ చక్రధరబాబు, ఏపీట్రాన్స్‌కో జేఎండీ కీర్తి చేకూరి, డిస్కమ్‌ల సీఎండీలు పట్టన్‌శెట్టి రవి, ఇమ్మది ఫృద్వితేజ్‌, సంతో్‌షరావు, ఎన్టీపీసీ, సెకీ తదితర సంస్థలకు చెందిన ఉన్నతాధికారులు పాల్గొంటారని వివరించారు.
