ఇరువర్గాల ఘర్షణ- ఇద్దరికి గాయాలు
ABN , Publish Date - Sep 26 , 2024 | 11:11 PM
మండలంలోని మల్లూరు గ్రామ పంచాయతీ బెల్లంవాండ్లపల్లిలో భూమి విషయమై ఇరువర్గాల మధ్య ఘర్షణ జరిగి ఇద్దరికి తలకు రక్త గాయాలయ్యాయి.
చిన్నమండెం, సెప్టెంబరు 26: మండలంలోని మల్లూరు గ్రామ పంచాయతీ బెల్లంవాండ్లపల్లిలో భూమి విషయమై ఇరువర్గాల మధ్య ఘర్షణ జరిగి ఇద్దరికి తలకు రక్త గాయాలయ్యాయి. బాధితుడు భయ్యారెడ్డి మాట్లాడుతూ సర్వేనెంబర్‌ 543లో తమకు పట్టా భూమి ఉందన్నారు. కాగా సర్వేయర్‌ ఎలాంటి నోటీసులు ఇవ్వకుండా సర్వే చేపట్టడంతో పక్క ఉన్న భూముల వారికి తమకు ఘర్షణ జరిగిందని తెలిపారు. ఈ ఘర్షణలో సర్వేయర్‌ చేతిలో ఉన్న కర్రతో రంగారెడ్డి, అశోక్‌రెడ్డి, అన్నారెడ్డి వారి కుమారులు తమపై కట్టెలు, రాళ్లతో దాడి చేశారని, ఈ దాడిలో తనతో పాటు తమ పెదనాన్న కృష్ణారెడ్డి తలకు తీవ్రమైన గాయాలై హాస్పిటల్‌లో చికిత్స పొందుతున్నట్లు తెలిపారు. ఇదే విషయమై ఎస్‌ఐ సుధాకర్‌ను వివరణ కోరగా తమకు ఇంకా ఎలాంటి ఫిర్యాదు అందలేదన్నారు.
