cpm ప్రభుత్వం రైతులను ఆదుకోవాలి

సీపీఎం రాష్ట్ర కార్యదర్శివర్గ సభ్యుడు రాంభూపాల్‌

రాప్తాడు, సెప్టెంబరు 28: వర్షాభావంతో ఖరీ్‌ఫలో పంట నష్టపోయిన రైతులను ప్రభుత్వం ఆదుకోవాలని సీపీఎం రాష్ట్ర కార్యదర్శివర్గ సభ్యుడు రాంభూపాల్‌ డిమాండ్‌ చేశారు. శనివారం రాప్తాడు సమీపంలో వర్షాభావంతో ఎండిపోయిన రైతు పామళ్ల కొండప్ప పొలాన్ని పరిశీలించారు. అనంతరం ఆయన మాట్లాడుతూ రైతు కొండప్ప 7 ఎకరాల్లో వేరుశనగ సాగు చేసేందుకు రూ. 1.50 లక్షల వరకు పెట్టుబడి పెట్టాడన్నారు. వర్షాలు సకాలంలో కురవక దిగుబడి తగ్గి రైతు ఆందోళన చెందుతున్నాడని వివరించారు. అన్ని గ్రామాల్లో రైతుల పరిస్థితి ఈ విధంగానే ఉందన్నారు. ఖరీ్‌ఫలో నష్టపోయిన రైతులను ప్రభుత్వం వెంటనే గుర్తించి ఆర్థిక సహాయం అందించాలన్నారు. కార్యక్రమంలో సీపీఎం మండల అధ్యక్షుడు పోతులయ్య, జిల్లా కమిటీ సభ్యుడు రామాంజినేయులు, కౌలు రైతు సంఘం అధ్యక్షుడు కదిరప్ప, రైతులు సుబ్బారెడ్డి, వెంకట్రాముడు, పోతులయ్య పాల్గొన్నారు.