నేడు భిన్న వాతావరణ పరిస్థితులు!
ABN , Publish Date - May 13 , 2024 | 04:41 AM
దక్షిణ కర్ణాటక పరిసరాల్లో ఆవర్తనం ఆవరించింది. దాని నుంచి మధ్యప్రదేశ్‌ వరకు ఉపరితల ద్రోణి విస్తరించింది. దీని ప్రభావంతో ఆదివారం పలుచోట్ల ఈదురుగాలులు, పిడుగులతో వర్షాలు కురిశాయి.
కొన్ని చోట్ల వడగాడ్పులు.. మరికొన్ని చోట్ల పిడుగులు?
అమరావతి, విశాఖపట్నం, మే 12(ఆంధ్రజ్యోతి): దక్షిణ కర్ణాటక పరిసరాల్లో ఆవర్తనం ఆవరించింది. దాని నుంచి మధ్యప్రదేశ్‌ వరకు ఉపరితల ద్రోణి విస్తరించింది. దీని ప్రభావంతో ఆదివారం పలుచోట్ల ఈదురుగాలులు, పిడుగులతో వర్షాలు కురిశాయి.
రాష్ట్రంలో రానున్న మూడు రోజులు భిన్న వాతావరణ పరిస్థితులు నెలకొంటాయని, కొన్ని ప్రాంతాల్లో ఎండ, మరికొన్ని చోట్ల పిడుగులతో కూడిన వర్షాలు పడతాయని విపత్తుల నిర్వహణ సంస్థ తెలిపింది.
సోమవారం ఓటు హక్కు వినియోగించుకునే ప్రజలు స్థానిక వాతావరణాన్ని బట్టి తగిన జాగ్రత్తలు తీసుకోవాలని విపత్తుల నిర్వహణ సంస్థ ఎండీ కూర్మనాథ్‌ సూచించారు.
సోమవారం శ్రీకాకుళం నుంచి ఎన్టీఆర్‌ జిల్లా వరకు అక్కడక్కడ పిడుగులతో కూడిన వర్షాలు కురిసే అవకాశం ఉందన్నారు. పల్నాడు, ప్రకాశం, నంద్యాల, కర్నూలు జిల్లాల్లోనూ పిడుగులతో కూడిన తేలికపాటి వర్షం పడే అవకాశం ఉందన్నారు. విజయనగరం, మన్యం జిల్లాల్లో ఎండతీవ్రత ఎక్కువగా ఉండి, వడగాడ్పులు వీస్తాయని తెలిపారు.
