అనాథాశ్రమానికి బియ్యం విరాళం

బనగానపల్లె, నవంబరు 15 (ఆంధ్రజ్యోతి): తెలంగాణ రాష్ట్రం యాదాద్రి భువనగిరి జిల్లా చౌటుప్పల్‌లోని అమ్మనాన్న అనాఽథాశ్రమానికి వంద ప్యాకెట్లు సోనా బియ్యాన్ని మాజీ సర్పంచ బీసీ రాజారెడ్డి విరాళంగా ఇచ్చారు. శుక్రవారం బనగానపల్లె పట్టణంలోని బీసీ గుర్రెడ్డి కాంప్లెక్స్‌ నుంచి వందప్యాకెట్ల నంద్యాల సోనా బియ్యం లారీని జెండా ఊపి బీసీ రాజారెడ్డి పంపారు. ఈ సందర్భంగా ఆయన మాట్లాడుతూ సామాజిక మాధ్యమాల ద్వారా చౌటుప్పల్‌లోని అనాథాశ్రమం గురించి తెలుసుకొని తన సొంత డబ్బులు రూ. మూడు లక్షలు వెచ్చించి వంద ప్యాకెట్ల బియ్యం పంపినట్లు తెలిపారు. ఇప్పటి వరకు మూడు విడతల్లో వివిధ అనాథ ఆశ్రమాలకు రూ.9లక్షలు విలువ చేసే ఆహార ధాన్యాలను పంపినట్లు తెలిపారు. కార్యక్ర మంలో టీడీపీ అధికార ప్రతినిథి కాట్రెడ్డి మల్లిఖార్జునరెడ్డి, నాయకులు భూషన్న, బాలనాయుడు, మంగంపేట శ్రీనివాసులు పాల్గొన్నారు.