వడ్డెర్ల సమస్యలు ప్రస్తావించడంపై హర్షం
ABN , Publish Date - Nov 20 , 2024 | 11:26 PM
రాష్ట్రంలోని వడ్డెర్ల సమస్యలను పుట్టపర్తి ఎమ్మెల్యే పల్లె సింధూరా రెడ్డి బుధవారం అసెంబ్లీ సమావేశాల్లో ప్రస్తావించడంపై వడ్డెర్ల సంఘం నాయకులు హర్షం వ్యక్తం చేశారు.
కొత్తచెరువు నవంబరు 20 (ఆంధ్రజ్యోతి) : రాష్ట్రంలోని వడ్డెర్ల సమస్యలను పుట్టపర్తి ఎమ్మెల్యే పల్లె సింధూరా రెడ్డి బుధవారం అసెంబ్లీ సమావేశాల్లో ప్రస్తావించడంపై వడ్డెర్ల సంఘం నాయకులు హర్షం వ్యక్తం చేశారు. బుధవారం స్థానిక వడ్డే ఓబన్న విగ్రహానికి పూలమాలలు వేసిన టీడీపీ పట్టణ కన్వీనర్‌ ఒలిపి శీన మాట్లాడారు. తమ కష్టాలను ఎమ్మెల్యే పల్లె సింధూరా రెడ్డి పెద్దల దృష్టికి తీసుకెళ్లడంతో తమ సమస్యలు తీరుతాయన్నారు. వడ్డె ఓబన్న జయంతిని ప్రభుత్వం ఆధ్వర్యంలో చేపట్టేలా చర్యలు తీసుకోవాలని కోరడం సంతోషదాయకమన్నారు. కార్యక్రమంలో నాయకులు నల్లమాడ శంకర, వడ్డేపాపన్న, పెద్దన్న, శివ, బాస్కర్‌, నారాయణ, లింగమూర్తి పాల్గొన్నారు.
