ప్రతి మనిషికి హక్కులు ఉంటాయి: ఎమ్మెల్యే
ABN , Publish Date - Dec 11 , 2024 | 12:46 AM
ప్రతి మనిషికి రాజ్యాంగంలో సమాన హక్కులు కలిగి ఉంటాయని కోడుమూరు ఎమ్మెల్యే బొగ్గుల దస్తగిరి అన్నారు.
కర్నూలు రూరల్‌, డిసెంబరు 10(ఆంధ్రజ్యోతి): ప్రతి మనిషికి రాజ్యాంగంలో సమాన హక్కులు కలిగి ఉంటాయని కోడుమూరు ఎమ్మెల్యే బొగ్గుల దస్తగిరి అన్నారు. కర్నూలు మండల ప్రజాపరిషత సమావేశ భవనంలో మంగళవారం లాయర్స్‌ అసోసియేషన ఆధ్వర్యం లో ఏర్పాటు చేసిన మానవ హక్కుల దినోత్సవ కార్యక్రమానికి కోడు మూరు ఎమ్మెల్యే ముఖ్య అతిఽథిగా పాల్గొని ప్రసంగించారు. మనదేశంలో డాక్టర్‌ బీఆర్‌. అంబేడ్కర్‌ రచించిన రాజ్యాంగ విలువలను ప్రతి ఒక్కరూ స్ఫూర్తిదాయకంగా తీసుకోవాలన్నారు. అనంతరం పలువురు సీనియర్‌ న్యాయవాదులకు శాలువకప్పి ఘనంగా సత్కరించారు. కార్యక్రమంలో న్యాయవాదులు, ప్రజాసంఘాల నాయకులు పాల్గొన్నారు.
