పుట్టపర్తిలో క్రీడామైదానాన్ని ఏర్పాటు చేయండి
ABN , Publish Date - Nov 20 , 2024 | 11:23 PM
జిల్లాకేంద్రమైన పుట్టపర్తిలో అంతర్జాతీయ స్థాయి క్రీడా మైదానాన్ని ఏర్పాటు చేయాలని ఎమ్మెల్యే పల్లె సింధూరారెడ్డి కూటమి ప్రభుత్వాన్ని కోరారు.
పుట్టపర్తిరూరల్‌, నవంబరు 20 (ఆంధ్రజ్యోతి) : జిల్లాకేంద్రమైన పుట్టపర్తిలో అంతర్జాతీయ స్థాయి క్రీడా మైదానాన్ని ఏర్పాటు చేయాలని ఎమ్మెల్యే పల్లె సింధూరారెడ్డి కూటమి ప్రభుత్వాన్ని కోరారు. బుధవారం శాసనసభ ప్రశ్నోత్తరాల సమయంలో ఆమె మాట్లాడారు. జిల్లాలో క్రీడలపై ఆశక్తి, ప్రతిభ ఉన్న క్రీడాకారులకు కొదవలేదని, క్రీడామైదానం లేక వారు తీవ్ర ఇబ్బందులు పడుతున్నారని అన్నారు. అదేవిధంగా రాష్ట్రంలో క్రీడాకారులను ప్రోత్సహించే విధంగా ప్రభుత్వం ఎలాంటి సౌకర్యాలు, నగదు ప్రోత్సాహకాలు అందిస్తోందో తెలియచేయాలని కోరారు. అలాగే రాష్ట్రంలోని వడ్డెర్ల సమస్యలను పరిష్కరించేలా ప్రభుత్వం చొరవ చూపాలని కోరారు.
