ద్వారకాతిరుమలలో అంబేడ్కర్‌ విగ్రహం ధ్వంసం
ABN , Publish Date - Nov 27 , 2024 | 06:02 AM
ఏలూరు జిల్లా ద్వారకా తిరుమలలో డాక్టర్‌ బీఆర్‌ అంబేడ్కర్‌ విగ్రహాన్ని గుర్తుతెలియని దుండగులు ధ్వంసం చేశారు.
ద్వారకాతిరుమల, నవంబరు 26 (ఆంధ్రజ్యోతి): ఏలూరు జిల్లా ద్వారకా తిరుమలలో డాక్టర్‌ బీఆర్‌ అంబేడ్కర్‌ విగ్రహాన్ని గుర్తుతెలియని దుండగులు ధ్వంసం చేశారు. రాజ్యాంగ దినోత్సవం రోజునే ఈ దుశ్చర్య చోటుచేసుకుంది. ద్వారకాతిరుమల పంచాయతీ పార్కు లోకి సోమవారం రాత్రి గుర్తుతెలియని వ్యక్తులు ప్రవేశించి అంబేడ్కర్‌ విగ్రహాన్ని ధ్వంసం చేశారు. ఈ దుశ్చర్యకు పాల్పడిన వారిని గుర్తించి అరెస్టు చేయాలంటూ దళిత నేత మద్దాల వెంకటేశ్వరరావు ఆధ్వర్యంలో ఘటనా స్థలం వద్ద ఆందోళన చేసి, తహసీల్దారుకు వినతిపత్రం అందజేశారు. పోలీ సులు కేసు నమోదు చేసి పరిసరాల్లోని సీసీ కెమేరాలను పరిశీలించారు.
