అనంత్‌ టెక్నాలజీస్‌ వ్యవస్థాపకుడు పావులూరి సుబ్బారావుకు ఆర్యభట్ట అవార్డు
ABN , Publish Date - Apr 18 , 2024 | 06:11 AM
అనంత్‌ టెక్నాలజీస్‌ లిమిటెడ్‌ (ఏటీఎల్‌) వ్యవస్థాపకుడు, సీఈఓ, చైర్మన్‌ పావులూరి సుబ్బా రావును ఏరోనాటికల్‌ సొసైటీ ఆఫ్‌ ఇండియా (ఏఎ్‌సఐ) ‘ఆర్యభట్ట అవార్డ్‌’తో సత్కరించింది. భారత ఆస్ట్రోనాటిక్స్‌ రంగంలో...
హైదరాబాద్‌: అనంత్‌ టెక్నాలజీస్‌ లిమిటెడ్‌ (ఏటీఎల్‌) వ్యవస్థాపకుడు, సీఈఓ, చైర్మన్‌ పావులూరి సుబ్బా రావును ఏరోనాటికల్‌ సొసైటీ ఆఫ్‌ ఇండియా (ఏఎ్‌సఐ) ‘ఆర్యభట్ట అవార్డ్‌’తో సత్కరించింది. భారత ఆస్ట్రోనాటిక్స్‌ రంగంలో సుబ్బారావు చేసిన సేవలకు గుర్తింపుగా ఈ పురస్కారాన్ని అందజేశారు. ఏఎ్‌సఐ ప్రెసిడెంట్‌, ఇస్రో చైర్మన్‌ ఎస్‌ సోమనాథ్‌, మాజీ ఇస్రో చైర్మన్‌ కిరణ్‌ కుమార్‌ చేతుల మీదుగా పావులూరి సుబ్బారావు ఈ అవార్డును అందుకున్నారు. తొలుత ఇస్రోలో శాస్త్రవేత్తగా పనిచేసిన సుబ్బారావు 1992లో అనంత్‌ టెక్నాలజీస్‌ లిమిటెడ్‌ను ఏర్పాటు చేశారు. భారత రక్షణ రంగం, ఇస్రో కోసం దేశీయంగా పలు ఏవియానిక్స్‌ ఉత్పత్తులను డిజైన్‌ చేయటంతో పాటు అభివృద్ధి చేశారు. ప్రస్తుతం ఏటీఎల్‌.. హైదరాబాద్‌, బెంగళూరు, తిరువనంతపురంలలో మూడు సెంటర్‌ ఆఫ్‌ ఎక్సలెన్స్‌ను నిర్వహిస్తోంది.
